«JOLDA QABYLDAU»
Memleket saiasatyn, QR Prezidentınıŋ 2050 jylǧa deiıngı ūzaq merzımdı strategiiasyn tüsındıru. Azamattarǧa qūqyqtyq jäne konsultativtık kömek körsetu. Qūqyq qorǧau organdary bedelın, halyqtyŋ jol polisiiasy qyzmetkerlerıne degen senımın arttyru. Osyndai maqsatpen keşe Astana qalasy Jol polisiiasy basqarmasy «Jolda qabyldau» aksiiasyn ötkızdı.
Jol saqşylarymen bırge «Nūr Otan» HDP ökılderı qatysqan şara basqarma ǧimaratynan bastau aldy. Osy jerde aksiiaǧa qatysuşylardyŋ bır toby qalyp, özgeler halyqtyŋ köp jinalatyn oryndaryna şyqty. Sondai oryndardyŋ bırı «Grin» gipermarketı boldy.
Sauda nüktesınıŋ janynda, jalǧa alynǧan arnaiy avtobusta joldaǧy tärtıpke nemqūraily qaramaityn adamdardy qabyldap, qala tūrǧyndaryn mazalap jürgen sūraqtarǧa jauaptar berıldı. Odan bölek jol qauıpsızdıgın qamtamasyz etu boiynşa nasihat materialdary taratylyp, azamattardyŋ arasynda polisiia qyzmetı men halyqtyŋ polisiiaǧa senımı jönınde saualnama jürgızıldı.
Sondai-aq, däl osyndai şaralar Astana – Qaraǧandy tas joly boiyndaǧy «Qyzyljar» beketınde, «Ramstor» sauda üiı, ortalyq bazar, vokzal maŋyndaǧy alaŋ, sol jaǧalaudaǧy ırı sauda üilerı qasynda da ūiymdastyryldy.
Jol apattaryn aldyn alu maqsatynda qalanyŋ ortalyq köşelerımen jol-kölık oqiǧalaryna ūşyraǧan kölıkterdıŋ avtokeruenı ötkızıldı.
A.Şmitūly