Jiren saqaldy, ūzyn boily şeneunık baiandama jasap tūr.
«Qazaq «äieldıŋ qyryq jany bar» deidı. Sondyqtan, olardyŋ qyryq janyn qyryq jyl jūmys ısteuge jūmsaityn qyldyq. Qazaq jäne aitady, «äieldıŋ alpys ekı ailasy bar» dep. Demek, är jylda bır ailadan kemıp otyrsa, bärın qūrtuǧa alpys ekı jyl ketedı. Sony eskerıp, bız äielderdı zeinetke alpys üş jasynda şyǧaratyn boldyq. Qazaqstandyq äielderdıŋ zeinet jasyn ūzartuymyzǧa öz ata-babalarynyŋ osy ekı sözı dälel boldy. Jany qalmai jūmys jasap, amal-ailasy tausylǧan kezde zeinetaqy alatyn bolsa, tamaşa emes pe?! Būl şeşımdı keŋsedegı jıgıttermen aqyldasa otyryp şyǧardyq. Qatyny barlar qarsy bolmady…».
Oǧan laqtyratyn jūmyrtqa ala barmaq bolǧan piǧylymdy hoş körmegen qorazymnyŋ özı juyq arada tauyqtarǧa jolaityn tür baiqatpai, bıraz şydap baqty.
Bıraq, bır qasqa bas jıgıt menıŋ ıstemegınımdı ıstedı. Şamasy, boidaq bolsa kerek… Jiren saqaldy, ūzyn boily şeneunık qatyspaǧan kelesı kezdesude älgı baiandamany qaitalaǧan jas bişıgeşke qos jūmyrtqany qatar laqtyrdy. Qos jūmyrtqa bolǧanda, ne ǧoi… Tauyqtyŋ jūmyrtqasy ǧoi! Jas şeneunıktıŋ qymbat kästömın ūryǧymen bylǧaǧan qorazynda da ūiat joq eken. Däl sol künı tauyqsyz da taŋ atyruyna boluşy edı. Öitpedı.
Teledidardy qosyp qalsam, jiren saqaldy, ūzyn boily şeneunık taǧy söilep tūr: «Men üşın tuylǧan jūmyrtqa anau «patamuşta, patamuşta» deitın jas ızbasarymyzdyŋ üstınen tabylypty. Zeinetke tük qatysy joq tauyqtardyŋ būl narazylyǧyna, jūmyrtqalarynyŋ şeruıne üzıldı-kesıldı qarsymyn!..».
Būnysyn Qazaqstanǧa äkelıngen tüieqūstar estımesın deŋız…
Erkeǧali BEISENOV
