Jūqpaly aurular azaiyp keledı
Astana qalasy aumaǧynyŋ sanitarlyq-epidemiologiialyq jai-küiı halyq qalaulylaryn erekşe tolǧandyryp otyr. Būǧan osy taqyrypta ötken köpşılık tyŋdau barysynda anyq köz jetkızdık.
Aldymen Memlekettık sanitarlyq-epidemiologiialyq qadaǧalau komitetı Astana qalasy boiynşa departamentınıŋ direktory Sarhat Beisenova elordanyŋ jalpy epidemiologiialyq jai-küiı turaly aqparat berdı. Onyŋ mälımdeuınşe, jūqpaly aurulardyŋ aldyn aluǧa bailanysty qalada sanitarlyq-aǧartuşylyq jūmystar jürgızılıp, teledidar jäne radio boiynşa sūhbattar ūiymdastyryluda. Bas şahardaǧy sauda üilerınde, kinoteatrlar men bazarlarda, bankterde jäne basqa oryndarda jūqpaly aurulardan saqtanudyŋ joldary jönınde habarlamalar ılınıp, tüsındıru jūmystary jüielı türde jürgızılude. Osy ötkızılgen ıs-şaralardyŋ nätijesınde bügınde Astanada ışek-qūrylys, virustyq gepatit aurularymen nauqastanu deŋgeiı edäuır azaiyp, tūrǧyndar arasynda tuberkulezben nauqastanu 11,5 paiyzǧa tömendegen.
Audan äkımderınıŋ apparattary da qarap jatqan joq. Şaraǧa qatysqan Almaty, Esıl, Saryarqa audandary äkımderınıŋ orynbasarlary B.Bolatbekov, B.Ahmetjanov, R.Akchurinderdıŋ sözıne sensek, olar qalanyŋ kommunaldyq qyzmetterımen jäne päter ielerınıŋ kooperativterımen bırlesıp, elordany abattandyru jäne kögaldandyru, elorda aumaǧynyŋ sanitarlyq jai-küiın jaqsartu boiynşa tiımdı şaralar ūiymdastyruda. Būl baǧytta soŋǧy jyldary elordada kommunaldyq jäne ekologiialyq senbılıkter ötkızılıp tūrady. Sondai-aq, tūrǧyn üilerdıŋ ışkı oramdyq aumaqtaryn keşendı abattandyru boiynşa jūmystar jürgızılıp, qalanyŋ şalǧai aimaqtaryn damytu tūjyrymdamasy ıske asyryluda. Astana qalasynyŋ Işkı ıster departamentı stihiialy sauda jasaudy joiu boiynşa jūmystar jürgızude. Osy maqsatta ortalyq eskı bazar, Uälihanov, Rahimov köşelerı, Bögenbai batyr daŋǧyly audandarynda 4 beinekamera ornatylǧan. Basqa da atqarylyp jatqan jūmystar jeterlık.Dei tūrǧanmen, bırqatar şeşılmegen mäsele de bar eken. Mäselen, abattandyru, sanitarlyq jabdyqtau, jinau jūmystaryn ūiymdastyru jäne Astana qalasynyŋ aumaǧynda tazalyqty qamtamasyz etu qaǧidalarynyŋ saqtaluyn tiıstı deŋgeide baqylamaudyŋ saldarynan ışkı oramdyq aumaqta qoqystar jinalyp qaluda. Sondai-aq, şaraǧa qatysuşylar keibır üilerdıŋ aumaǧynan qatty tūrmystyq qaldyqtardy tūraqty türde şyǧaryp otyrmau, qoqys konteinerlerınıŋ alaŋdaryn uaqytyly dezinfeksiialamau sekıldı jaǧdailardyŋ oryn alǧanyn aitty. Tıptı, qalamyzda itterdı seruendetetın oryndardyŋ joqtyǧy, osydan jaǧymsyz epizootikalyq qarsy jaǧdaiattardyŋ tuyndaityny belgılı boldy. Osyǧan orai, qabyldanǧan ūsynystardyŋ oryndaluy qalalyq mäslihattyŋ tūraqty komissiiasynyŋ baqylauyna alyndy. Al, mäslihat hatşysy S.Esılov tuǧan qalamyzdyŋ tazalyǧy tek özımızge qajet ekenın, sondyqtan oǧan janaşyrlyq tanytyp, ainalany taza ūstauǧa tyrysuymyz kerektıgın eskerttı.
G.ÖKEŞQYZY