Astanalyqtar baidarkamen jäne kanoemen esu sportyna asqan qyzyǧuşylyq tanytuda. Bügınde jüzge juyq jas sportşy №4 Balalar jasöspırımder sport mektebınde bılım alyp jür. Eskek esuşıler joǧary nätijelerge qol jetkızıp, qūrama komanda deŋgeiınde öner körsetkende Astana qalasynyŋ mamandandyrylǧan joǧary sport şeberlıgı mektebıne auysady.
Atalǧan sport türı elordada 2000 jyldan berı damyp keledı. Topqa on jastan asqan balalar qabyldanady. Būl sportqa ūldar da, qyzdar da äues. Qaiyqta otyryp üirenudıŋ özıne 2-3 aptadai uaqyt ketedı.
– Kışkentai balalar kelıp oqidy. Qaiyqpen jüzıp üirenu qiyn. Būl jerde tepe-teŋdıktı saqtai bılu kerek. Kanoemen de, baidarkamen de. Osyny üirengen soŋ balalar alǧaşqy jarystarǧa daiyndalady, – dedı №4 BJSM baidarkamen jäne kanoemen eskek esuden jattyqtyruşy-oqytuşy Evgenii Bejnar.
Jazǧy demalys uaqytynda jattyǧular aptasyna 8-10 ret ötedı. Al balalar mektepke barǧanda – 5–6 ret. Onyŋ üstıne tözımdı bolu üşın köp eŋbektenu kerek. Qysta sportşylar şaŋǧy tebedı, trenajer zaldarynda jattyǧady, jügıredı.
On jetı jasar Aleksandra Kim būl sportqa kelem dep oilamaǧan, bügınde ol – sport şeberı. Üş jyl boiy baidarkamen jüzse, endı kanoege auysty.
– Būl sportqa qūrbymmen keldım. Densaulyǧymdy şynyqtyru üşın ǧana ainalysam dep oiladym. Nätijesınde, käsıbi ainalysa bastadym. Jaqynda Slovakiiadaǧy halyqaralyq jarysqa baryp keldık. Fransiiada ötken Women’s canoe cup dodasyna da qatystyq. Qazır Brestte ötetın jiynǧa daiyndalyp jatyrmyz, sodan keiın jospar boiynşa Minskte 1998 jyly tuǧan jäne odan kışı balalar arasyndaǧy Älem bırınşılıgı ötedı. Osy sport türımen ainalysqannan keiın öz-özıŋe degen senımıŋ, küşıŋ artady. Būl üşın köp eŋbek etu kerek. Äielder olimpiadada kanoemen 200 metr qaşyqtyqty baǧyndyrady, men osy maqsatty közdep jürmın, armanym – Olimpiadaǧa qatysu, – deidı sportşy.
Sportşylar 23 jasqa deiın №4 BJSM bazasynda jattyǧady. Üzdık nätijeler körsetken balalar mamandandyrylǧan joǧary sport şeberlıgı mektebınde şeberlıgın şyŋdaidy.
Mūnda sportşylarmen psiholog, dietolog, massajist, jäne basqa da mamandar jūmys ısteidı. Mysaly, är sportşynyŋ rasiony bölek, ortaşa salmaǧy 85-95 kg boluy kerek.
Top bes adamnan tūrady. Sonyŋ ışınde üşeuı Sergei Tokarniskii, Zoia Ananchenko, İnna Klinova Olimpiada oiyndaryna daiyndyq üstınde.
– Olar qazır Belaruste, Brestte, jergılıktı komandamen bırge daiyndaluda. Sportşylar 24 şıldede Chehiiaǧa barady, onda ekı apta bolady, sodan keiın Rio-de-Janeiroǧa ūşady, – dedı Astana qalasynyŋ mamandandyrylǧan joǧary sport şeberlıgı mektebınıŋ aǧa bapkerı Ashat Qaliaqparov.
Eske salaiyq, tört jyldyqtaǧy basty jarystyŋ aşyluyna deiın bır aidan az uaqyt qaldy. Olimpiada tamyzdyŋ 5-ı men 21-ı aralyǧynda Rio-de-Janeiroda ötedı.
astana.gov.kz
