Astananyŋ on bes jyldyq mereitoiyna «Nazarbaev ortalyǧy» köp funksiialy ǧylymi-taldamalyq jäne gumanitarlyq-aǧartuşylyq mekemesı de laiyqty tartu jasady. Elbasy Nūrsūltan Nazarbaevtyŋ är jyldarda jaryq körgen kıtaptarynan, maqalalary men söilegen sözderınen süzıp, ūlaǧatty oilary men qanatty sözderın terıp, «Jyldar men oilar», «Vremena i dumy» atty kıtaptar qūrastyrypty. Ortalyqta osy kıtaptardyŋ tūsaukeser räsımı saltanatty jaǧdaida ūiymdastyryldy.
Tūsaukeser räsımınde söz söilegen Prezident Keŋsesınıŋ basşysy, mekeme direktorynyŋ mındetın atqaruşy Mahmūd Qasymbekov jaqynda ortalyqta baspa üiı aşylǧanyn, atalǧan kıtaptar sol baspa üiınıŋ alǧaşqy jemısı ekenın äŋgımeledı. Būǧan deiın Prezidenttıŋ «Tuǧan elım – tıregım», «Özekjardy oilar», «Oi bölıstım halqymmen» atty jinaqtary jaryq körgenın aitty. «Jyldar men oilar» solardyŋ zaŋdy jalǧasy ıspettes. Būl kıtapty Elbasy tuyndylarynyŋ meilınşe tolyqtyrylǧan nūsqasy deuge bolady» dedı Mahmūd Bazarqūlūly.
Kıtap Prezidentımızdıŋ qatardaǧy el basşysy emes, tūŋǧiyq tereŋ oily, aldaǧyny adaspai boljaityn köregen, ötkır tıldı şeşen, onyŋ üstıne parasatty jäne mädeniettı aqyl iesı ekenın tanyta tüsken. Kıtap on bes tarauǧa bölınıp, taqyryptarǧa jıktelgen. Sonyŋ ışınde Otan, jer taǧdyry, täuelsızdık, tūraqtylyq, ūlttyq sana, el bırlıgı, ūlttyq namys jäne taǧy basqa taqyryptarǧa bırıktırılgen sözderdıŋ ärqaisysy asyl qazyna deuge bolady. Kez kelgen oişyl azamat jazatyn taqyrybyna Elbasynyŋ osynau sözderın temırqazyq etıp ūstasa, adaspasy körınıp tūr.
Basqasyna barmai-aq, mereitoiyn atap ötkelı otyrǧan Astana taqyrybyna arnalǧan sözderınen bırer mysal keltırsek: «Astana – Qazaqstan halqynyŋ jüzege asqan ümıt-armanynyŋ beinesı», «Almaty – täuelsızdıgımızdıŋ besıgı, Astana – bolaşaǧymyzdyŋ esıgı», «Astana – Otanymyzdyŋ jüregı, täuelsızdıgımızdıŋ tıregı», «Astana kelbetı – ūlt kelbetı…»
Tūsaukeser räsımınde söilegen Myrzatai Joldasbekov, Quanyş Sūltanov, Aldan Smaiyl, Jabal Erǧaliev, Nesıpbek Aitūly, Dükenbai Dosjanov, Älıbek Asqarov syndy memleket jäne qoǧam qairatkerlerı, aqyndar men jazuşylar osy oilardy barynşa örbıtıp, kökeilerındegı pıkırlerın ortaǧa saldy.
Kıtaptyŋ taralymy segız myŋ dana, baspanyŋ soŋǧy jetıstıgımen äsem bezendırılgen. Ol elımızdıŋ barlyq kıtaphanalarymen qatar, sauda oryndaryna da tüsedı.
Äsel MŪRATBEKQYZY
