Nūr-Sūltan qalasynyŋ äkımı Altai Kölgınov gaz qazandyqtaryn 2023 jyldan bastap kezeŋ-kezeŋmen ıske qosu josparlanyp otyrǧanyn mälım ettı.
«Elordada üş gaz qazandyǧynyŋ qūrylysy qatar jürıp jatyr. Gaz qazandyqtarynyŋ quaty JEO-3-ten 3 eseden de asyp tüsedı. Tiısınşe qazırgı tapşylyqtyŋ ornyn toltyruǧa da, qūrylys jūmystary jüretın jaŋa audandardy jylumen qamtuǧa da mümkındık beredı.
Gaz qazandyqtaryn 2023 jyldan bastap kezeŋ-kezeŋmen ıske qosu josparlanyp otyr. Gaz qazandyqtary jaŋa temırjol vokzalynyŋ aumaǧynda, Qorǧaljyn tas jolynyŋ boiynda jäne «Telman» eldı mekenınde ornalasqan.
Osylaişa, «Oŋtüstık-Şyǧys» qazandyǧy «Myŋjyldyq» audanyn, jaŋa temırjol vokzaly aumaǧyn, qūrylys jūmysy qarqyndy jürıp jatqan audandardy jäne t.b. jylumen qamtamasyz etedı. Al «Telman» qazandyǧy «Baǧystan» TK, Ūly Dala daŋǧyly, «Telman» eldı mekenı aumaǧyn qamtidy. Öz kezegınde üşınşı – «Tūran» gaz qazandyǧy Qorǧaljyn tas joly, Tūran daŋǧyly boiyndaǧy jäne t.b. qūrylysy qarqyndy jürıp jatqan audandardy jylumen qamtamasyz etedı.
Būdan bölek, qalany aralau barysynda sorǧy-süzu stansiiasynyŋ (SSS-3) qūrylysymen tanystym. Bügınde qala täulıgıne 300 myŋ tekşe metr su tūtynady, al jaŋa SSS-3 quattylyǧy täulıgıne qosymşa 100 myŋ tekşe metrden astam su beredı.
Qalamyzdyŋ damyp kele jatqanyn eskersek, qazırdıŋ özınde suǧa degen qosymşa qajettılık bar. Osy sebeptı SSS-3 biyl jyl soŋyna qarai ışınara paidalanuǧa berıledı. Osylaişa sumen qamtamasyz etu mäselesı şeşıledı. Al 2023 jyldan bastap SSS-3 jūmysynyŋ quatyn arttyramyz» dedı elorda äkımı.
