Soŋǧy aptada Astanada kün qatty ysyp, aua temperaturasy 38-39 gradusqa deiın jettı. Sinoptikterdıŋ habarlauynşa, mausymnyŋ basynda künnıŋ osyndai öte aptap ystyq boluy būryn 2019, 2020 jäne 1952 jyldary baiqalǧan. Därıgerler mūndai aua raiy sozylmaly auruy bar adamdardyŋ, balalardyŋ, tıptı denı sau adamnyŋ da densaulyǧyna qauıp töndıretının aitady. Sonymen qatar qazırgı ystyq künderı meilınşe kün astynda jürmeuge keŋes beredı.
Aqmola öŋırınde mausymnyŋ basyndaǧy aua raiynyŋ eŋ ystyq bolǧan kezderın eske alsaq, 1952 jylǧy 2 mausymda aua temperaturasy 35,7 gradusqa jetse, 2012 jyly 3 mausymda 35,9, 2020 jyly 1 mausymda 35,1 jäne byltyr 4 mausymda 36,2 gradus bolǧan. Al biylǧy aptap būlardan da asyp ketıp otyr. Aua raiy boljamyna säikes künnıŋ ysuy 7 mausymǧa deiın saqtalyp, sosyn aptaptyŋ betı bırden qaitady. Būl İran men Ortalyq Aziiadan keletın siklondar jäne atmosferalyq fronttarǧa bailanysty bolyp otyr. Osyǧan orai elordada ört qauıpsızdıgıne töner qauıp joǧary. Oǧan qosa töbeden tesken kün şekenı qyzdyryp, syrtqa şaruasymen şyqqan tūrǧyndardyŋ densaulyǧyna da nūqsan keltıruı mümkın. Därıgerler jer-jerde halyqqa aqyl-keŋesın aityp, künnıŋ astynda jürudıŋ qaupın jäne odan qorǧanudyŋ joldaryn tüsındırude.
– Kün astynda köp jürgen adamnyŋ közı qarauytyp, basy ainaluy, jüregı ainuy mümkın. Jürek soǧysy jiılep, terısı bop-boz bolyp ketse, būl – kün ötkenınıŋ belgısı. Jalpy däl qazırgı aua raiynda taŋerteŋ saǧat 10.00-den bastap keşkı 17.00-ge deiın dalada jürmegen jön. Äsırese, qan qysymy joǧary, onkologiialyq jäne jalpy sozylmaly aurulary bar adamdardyŋ dalaǧa şyǧuyna müldem bolmaidy. Sondai-aq 7 jasqa deiıngı balalardyŋ da künnıŋ ystyǧy qaitqanǧa deiın üiden şyqpaǧany dūrys. Sebebı kışkentai balalardyŋ aǧzasy ystyq temperaturaǧa öte sezımtal bolyp keledı, ystyq künde köp jüru olardyŋ aǧzasyn susyzdanuǧa deiın äkeluı mümkın, – dep saqtandyrady №10 qalalyq emhananyŋ jedel järdem bölımınıŋ meŋgeruşısı Arman Älıbekov.
Qanşa yssy bolsa da, qalada basyna kün ötıp, qūlaityndai deŋgeige jetıp jatqandar joq. Sebebı qazır aqparat däuırınde adamdar mamandardyŋ aqyl-keŋesın oqyp, soǧan qūlaq türedı. Mūndai künderı, ärine, künge qarsy qalqan bolar bas kiım kiıp, ünemı qolyŋyzǧa bötelkege auyzsu qūiyp, bırge alyp jürgen jön. Oǧan qosa künnen qorǧaityn jaqpa mai jaǧu kerek, sebebı denesınde meŋı men qaly köp adamdardyŋ denesın kün qatty küidıruınen terı onkologiiasy dertıne şaldyǧu yqtimaldyǧy basym. Sonymen qatar tabiǧi taza matadan tıgılgen, kün közın özın tartpaityn aqşyl tüstı kiımder kigen abzal.
