Мәңгілік тақырып – махаббат
Л.Н.Гумилев атындағы Еуразия ұлттық университеті журналистика және саясаттану факультетінде осымен екінші жыл «Қозы мен Баян» күні аталып өтті. 2-курс студенттерінің өз ықылас, қызығушылықтарымен ұйымдастырылған мерекеге 7 жұп қатысты. Қазақ тарихындағы «Еңлік-Кебек» жыры, Алаш қайраткерлерінің асыл жарлары, екіншідүниежүзілік соғысқа аттанған жауынгерлер махаббаты, қыз бен жігіт айтысы, сондай-ақ, әдеби шығармалардағы көркем бейнелер сахналанды.
Кеш қорытындысында «Ең жарасымды жұптар» анықталып, оларға арнайы сыйлықты факультет деканы Қайрат Сақ, профессор Сәуле Тапанова, республикалық «Түгел Медиа» бірлестігінің төрағасы Сәдібек Түгел, «Тіл» журналының бас редакторы Нұргүл Қарағойшина және былтырғы осындай мерекелік шараның жеңімпаздарына сый-сыяпат табыс етті.
Жастардың сүйікті мерекесіне айналған «Қозы мен Баян» күнін осымен екінші жыл ұйымдастырып келе жатқан факультет доценті Ғалия Ақсейіт бұл мерекенің жастарға берер тағылымды тұстарына тоқталды.
Айжан ҚАСЫМОВА, Еуразия ұлттық университетінің 2-курс студенті