НАҚ-НАҚ
«ЕХРО-2017» эскиз-жобасының көрмесі
Астанада «ЕХРО-2017» көрмесінің эскиз-нобайларын таныстыру 3 күнге жалғасады.
Халықаралық сәулет байқауына қатысушылардың еңбегімен танысу үшін елорданың кез келген тұрғынына 14-16 тамыз күндері «Көрме» орталығының есігі ашық.
Салық төлеушілерге – бірыңғай байланыс орталығы
Астаналық салық төлеушілер осы салаға қатысты барлық ақпаратты телефон арқылы бірыңғай байланыс орталығынан алады. Мемлекеттік қызмет көрсету, салық заңнамасының басқа да мәселелері бойынша 1414 және 8-800-080-7777 нөмірлеріне хабарласу тегін.
Емдеу тәжірибесімен бөлісті
Астанаға келген ресейлік мамандар елордалық неврологтар мен реабелитологтарға шеберлік сабақтарын өткізді.
Астанада 2500-ден астам бала сал ауруына шалдыққан. №2 қалалық балалар ауруханасында танымал ресейлік мамандар жергілікті дәрігерлермен мүгедек балаларды емдеу тәжірибесімен бөлісті. Оған мүмкіндігі шектеулі балалардың ата-аналары да қатысты. Ұйымдастырушылардың айтуынша, алдағы уақытта «Жұлдыз-ай» қайырымдылық қоры Астанада шетелдік дәрігерлердің кеңестерін өткізуді дәстүрге айналдырмақ.
Саньяға сапарлаймыз
Қазан айында «Алматы-Астана-Санья» чартерлік рейсі қайта іске қосылады.
Қытайда жаңа туристік маусымның ашылуына байланысты екі ел арасында ынтымақтастық келісіміне қол қойылды. Яғни, «Алматы-Астана-Санья» чартерлік рейсі қазан айында қызметін қайта жаңғыртады. «Аталған чартерлік рейс 5 жылдан бері бар. Ал, Алматыдан Хайнань аралына дейінгі тікелей рейс әр 10 күн сайын ұшады. Іс-шара 19 қазан мен 5 мамыр аралығындағы жаңа маусымның чартерлік бағдарламасына арналған» дейді қазақстандық туристік компания өкілі Евгения Кирдан.
Сансөйлем
Астанада бірінші жартыжылдықта осыншама пәтер пайдалануға берілді.
Кеше…
Л.Гумилев атындағы Еуразия ұлттық университетінде Қазақстанның шетелдегі студенттік ұйымдарының II слеті басталды.
Бүгін…
«Қазақстан» орталық концерт залында Құрылысшылар күніне арналған мерекелік концерт өтеді.
Ертең…
Қазіргі заманғы өнер мұражайында белгілі шебер Таймас Мұқашевтің әшекей бұйымдары көрмесі жалғасады.
Гүлмира Аймағанбет