23.10.2013
Ш.Айтматов, «АҚ КЕМЕ», драма
Адамзаттың табиғи тепе-теңдігінің бұзылуы баланың жан толғанысы арқылы беріледі. Алайда, кішкентай
пәк көңіл тіршілік иесінің қиянатқа қарсы тұрар еш дәрмені жоқ.
Қоюшы режиссері: ҚР еңбек сіңірген қайраткері Н.Жұманиязов.
Басты рөлдерде: Д.Әлімов, А.Омар, К.Нұрланов.
16.10.2013
Ш.Айтматов. «Ғасырдан да ұзақ күн», драма
Бұрынғы майдангер, бүгінгі қарапайым теміржолшы Едіге өзінің досы Қазанғапты соңғы сапарға шығарып салады. Сертке берік Едіге осы аманатты орындау жолында талай кедергілерге жолығады.
Режиссері: Халық қаһарманы Ә.Мәмбетов.
Басты рөлдерде: Б.Ыбыраев, Б.Исабекова.
24.10.2013
Қ. Жүнісов, «Махаббат мелодрамасы»
Махаббат сезімі – ар тазалығы, жүрек адалдығы, неке беріктігі. Осыны қадірлемеген желкілдек жастар – жат мәдениеттің құрбанына айналуда.
Қоюшы режиссері: ҚР еңбек сіңірген қайраткері Б.Ұзақов
Басты рөлдерде: Т.Мұзапарова, Ж.Оспанов, Ж.Ерболат
25.10.2013
Т.Ахтанов, «Күшік күйеу», комедия
Спектакльде жаңашыл көзқарастағы әйелдің қызын тұрмысқа беру үшін «күшік күйеу» іздегеніне куә боламыз. Алайда, басты мәселе – екі жастың көңіл жарастығында екендігі кеш ескеріледі.
Қоюшы режиссері: ҚР еңбек сіңірген қайраткері Б.Ұзақов
Басты рөлдерде: ҚР еңбек сіңірген қайраткері К.Қожахметова, Б.Исабекова
26.10.2013
С.Тұрғынбекұлы, «Мұқағали», поэтикалық драма
Қойылымда ақынның қоғамнан көрген қиянаты, жан күйзелісі баяндалады. Жыр ақиығы өмір сүріп отырған ортаның хал-ахуалы көрермен көз алдында өріледі.
Қоюшы режиссері: ҚР еңбек сіңірген қайраткері Б.Ұзақов
Басты рөлдерде: Ж.Төленбаев, ҚР еңбек сіңірген қайраткерлері Г.Қылышбай, А.Нөгербек.
27.10.2013
Ғ.Мүсірепов, Е.Брусиловский, «Қыз Жібек», музыкалық трагедия
Дастан негізінде жазылған пьеса – қазақ драматургиясының інжу-маржаны. Бірін-бірі шын сүйген ғашықтар. Бірақ, әке батасынан аттап кеткен Төлегеннің өлімі мен Жібектің қайғылы тағдыры жанарға жас үйірілтпей қоймайды.
Қоюшы режиссері: ҚР «Дарын» мемлекеттік жастар сыйлығының иегері С. Қамиев
Басты рөлдерде: Г.Жүсіпова, Г.Сүгірбаева, Ж.Ерболат, О.Жақыпбеков
