Астана қаласының санитариялық жағдайын жақсартып, жол қозғалысының қауіпсіздігін қамтамасыз ету мақсатында Ішкі істер департаментінің Әкімшілік полиция бөлімшелері жолдар мен орамішілік көшелерді бақылауға алды.
Тексеру барысында полиция қызметкерлері жолдардың жүріс бөліктері мен аулаларда жиналып қалған қардан арылту үшін фотоматериалдар дайындады.
Қала көшелеріндегі қарды тазалау үшін полицейлер аудандық әкімдіктерге алты жүз отыз жеті фотоматериал ұсынды. Атап айтқанда, Алматы ауданы бойынша – 237, Сарыарқа ауданы бойынша – 200, Есіл ауданы бойынша 200 сурет жиналған.
Барлық фотоматериалдар аудандық әкімдіктерге жіберіліп, пәтер иеленушілер кооперативі аумақтарына тексеру жүргізілді. Аумақтардағы қарды уақтылы әрі сапалы жинамағаны, сонымен қатар, басқа да құқық бұзушылықтарға жол бергені үшін отыз жеті ПИК төрағасы жалпы көлемі 1 166 760 теңгеге әкімшілік жауапкершілікке тартылды.
Сағи ОРАЛ
