Қысқы демалысты қызықты өткіз
Елорда тұрғындары мен қонақтарының қыс мезгілінде демалыс уақытын қызықты өткізу үшін Сарыарқа ауданы әкімінің аппараты қысқы демалысқа арналған орынды ұсыну бойынша конкурс жариялады.
Аталған конкурс арқылы кәсіпкерлер келесі мекенжайлар бойынша мұз айдындары мен сырғанақтарды салуға тікелей қатыса алады:
Есіл өзенінің жағалауы («Серуен» көпірінен Кенесары хан ескерткішіне дейін);
Ш.Қосшығұлұлы – Ш.Бейсекова көшелерінің қиылысы;
Н.Тілендиев даңғылы, 15 («Рахмет» ОСО);
Ш.Қосшығұлұлы көшесі, 13 («Сарыарқа» монша-сауықтыру кешені);
Алмалық көшесі, 1 («Наз» мемлекеттік би театры);
Оқжетпес – А.Герцен көшелерінің қиылысы (сквер аумағында);
«Тұлпар» көпірінен Кенесары көшесіндегі көпірге дейін («Газмашаппаратура» АҚ).
Кәсіпкерлер конкурс талаптарымен Сарыарқа ауданы әкімдігінің ресми сайтындағы жаңалықтар бөлімінде толығырақ таныса алады. www.saryarqa. astana.kz. Қосымша ақпарат алуға арналған телефондар: 55-74-73, 8-771-256-00-16.