Жан жылытқан игі іс
Оқушылар сарайында қайырымдылық концерті өтіп, Алматы ауданында тұратын аз қамтылған отбасыларға жылы киімдер табыс етілді.
Бұл игі шара Алматы ауданының әкімі Әділбек Сәрсембаевтың бастамасымен жүргізіліп жатқан «20 Izgi Qadam» акциясы шеңберінде өтті. Акцияға «Niyet Charitable Foundation» қайырымдылық қоры атсалысты. Бұл қайырымдылық қоры – коммерциялық емес ұйым, ол өмірдің қиын жағдайына тап болған балаларды әлеуметтік қорғауға бағытталған әлеуметтік және қайырымдылық жобаларды жүзеге асырады.
Осы шарада аз қамтылған 50 отбасына жылы киімдер берілді. Жылдың соңына дейін мейірімді жандар аудан аумағында тұратын тағы 300 отбасыға көмек қолын созады. Қор астаналық аз қамтылған және көп балалы отбасының балаларына, қамқорлықтағы жетімдерге, мүгедек балаларға LC WAIKIKI компаниясы табыс еткен 10 мың жаңа киімді беруді жоспарлап отыр.