Астанада жыл басынан бері 38 қылмыстық топ ұсталды. Оның 8-і – пәтер ұрлығымен айналысқандар екен.
«Астана қаласының аумағында орналасқан коттедждерден 21 рет ұрлық жасаған Қызылорда облысынан келген «гастролер-ұрылар» тобына қатысты қылмыстық іс сотқа жіберілді. Мұндай пәтер ұрлықтарының алдын алуға консьерждердің қызметі, сонымен қатар тұрғын үйлерде бейнекамера, домофон және басқа да техникалық қорғаныс құралдарын орнатуды көздеген «Қауіпсіз аула» жобасы септігін тигізді» дейді Астана қаласы ІІД бастығы, полиция генерал-майоры Амантай Әубәкіров.
