Құрылыстың бастапқы сатысында үлескерлердің ақшасын қабылдауға тиісті рұқсаты жоқ құрылыс ұйымдарының тізімі жасалды. Бұл туралы елорда әкімдігінің ресми сайты ақпарат таратты.
Қолданыстағы заңнаманы айналып өтіп жасалған барлық мәмілелер (алдын ала брондау шарты, резервтеу шарты, инвестициялау шарты, талап ету құқығын басқаға беру шарты) төменде көрсетілген көппәтерлі тұрғын үй кешендерінде жарамсыз болып саналады. Астана қаласының әкімдігі ақшаңызға абай болу керектігін ескертеді және рұқсат құжаттары жоқ тұрғын үйлердің пәтерлерін сатып алуды қолдамайды (құрылысқа рұқсат, «Жобалардың мемлекеттік ведомстводан тыс сараптамасы» ШЖҚ РМК оң қорытындысы).
Үлескерлердің қаражатын тиісті рұқсатсыз қабылдауға «Тұрғын үй құрылысына үлестік қатысу туралы» Қазақстан Республикасының заңнамасымен тыйым салынады, бұл ретте Қазақстан Республикасының Әкімшілік құқық бұзушылық туралы Кодексінің 320-бабы, сондай-ақ Қазақстан Республикасы Қылмыстық кодексінің 214-бабы бойынша кәсіпкерлік қызметтің тыйым салынған түрлерімен айналысқаны үшін жаза қарастырылған. Барлық сұрақтар бойынша Астана қаласы, Сарыарқа ауданы, Бейбітшілік к-сі, 9-үйдегі «Астана қаласының қалалық орта сапасы және бақылау басқармасы» мемлекеттік мекемесіне хабарласуыңызды сұраймыз. Байланыс телефондары: 8 (7172) – 55-04-28, 55-67-03.
Үлескерлердің ақшасын тартуға құқығы жоқ құрылыс компанияларының тізімін мына жерден оқи аласыздар:
