اقبوتا كەرىمبەكوۆا: ءانشى بولماسام, كوپ بالالى انا بولار ەدىم
– ءسىز العاش ساحناعا گيتارامەن شىعىپ ەدىڭىز, ول اسپاپتى ءسىزدىڭ قولىڭىزدان قازىر نەگە كورە الماي ءجۇرمىز؟
ەلنار قاجىكارىم, ستۋدەنت
– كونتسەرت بەرگەنىمدە گيتارامەن ەكi ءان ورىندادىم. «كەلەم دەشi» انiنە تۇسiرiلگەن بەينەبايانىمدا دا گيتارا تارتىپ تۇرعان ساتتەر بار. قازiر جاستاردىڭ دەنi ەسترادالىق باعىتتاعى اندەردi تىڭدايدى. بiراق گيتارامدى تاستاعان ەمەسپiن جانە رەپەرتۋارىمدا ونىمەن ورىندالاتىن اندەرiم بارشىلىق. ساحنادا ەسترادالىق اندەردi ورىنداپ جۇرگەنiممەن, وبلىستارعا شىققاندا سۇرانىس بولىپ جاتسا, وسى اسپاپپەن ءان سالىپ بەرۋگە دايىنمىن.
– ءان تاڭداۋداعى تالعامىڭىز وتە جوعارى. بۇل رەتتە كىمنىڭ اقىل- كەڭەسىنە سۇيەنەسىز؟
ايتولقىن ءالىمحانوۆا, بۋحگالتەر
-ومىردە ءوزىمنىڭ دەگەنىممەن جۇرەتىن اداممىن. «ءاننىڭ دە ەستىسى بار, ەسەرى بار» دەيدى اباي اتامىز. سوندىقتان دا, ماعىنالى, ءماندى اندەردى تاڭداۋعا تىرىسامىن. كەيىن اناما تىڭداتىپ, سول كىسىنىڭ وي-پىكىرىنە جۇگىنىپ, اقىلداسىپ, كەڭەسىپ وتىرامىن.
– قازاق ەستراداسىنداعى كەمشىلىك دەپ نەنى ايتار ەدىڭىز؟
كوركەم قاجىحانقىزى, وقىرمان
– حالىقتىڭ ونەرگە دەگەن قۇرمەتى قالماي بارادى. قازىر ەكىنىڭ ءبىرى ءانشى عوي. كىم كورىنگەن ساحنادا ءجۇر. ءان ايتىپ جۇرگەندەردىڭ ءبارىن جامان دەسەم, كوپكە توپىراق شاشقانداي بولارمىن, بىراق انشىلەردىڭ سانىن كوبەيتىپ جۇرگەندەردىڭ تەڭ جارتىسى مۋزىكاعا قاتىسى جوق ادامدار. ولاردىڭ نە سوزىندە ماعىنا جوق, نە مۋزىكاسىندا ءمان جوق.
– ءسىزدىڭ كيiم كيۋ ستيلiڭiزگە دە ارا-تۇرا پiكiرiن بiلدiرۋشiلەر تابىلادى. قالاي قابىلدايسىز؟
اسەم جۋماشكينا, مۇعالىم
– ورىندى سىندى تىڭداپ, ناتيجە شىعارۋعا تىرىسامىن. مەن ساحناعا جالاڭاش شىعىپ جاتقان جوقپىن. نەمەسە قىپ-قىسقا كيiممەن شىعىپ جاتىر ما ەكەم؟ مەن وزiمە قونىمدى كيiمدi كيەمiن. پالەنباي اقشاعا تiكتiرiپ, بiر-ەكi رەت قانا كيiپ, ىسىراپ جاساپ نەم بار؟ زاتىم ايەل بولسا دا, تابيعاتىمنان قىمبات كيiم مەن جىلتىر اشەكەيگە قۇمار ەمەسپiن. ماعان كەيدە ستيليستەر, كەيدە قۇربىلارىم كومەككە كەلiپ, تاڭداۋعا كومەكتەسەدi. بiراق كوپ جاعدايدا ءوزiمنiڭ تالعامىما سۇيەنەمiن. مەن ءانشiمiن, مiندەتiم – ءانiمدi شىرقاۋ. تاريحتا مەنiڭ جىلتىرىعان كيiمiم ەمەس, جۇرەكتەرگە جەتكەن ءانiم قالادى.
– بيلياردتى مىقتى وينايدى دەپ ەستىدىك. سول راس پا؟
اقان كوپتىلەۋ, وقۋشى
– اندا-ساندا بيليارد وينايتىنىم راس. جالپى, كىشكەنتايىمنان سپورتقا جاقىن بولاتىنمىن.
– سiزدiڭ ورىنداۋىڭىزداعى اندەردiڭ كوپشiلiگi مۇڭلى, ليريكاعا تولى بولىپ كەلەدi. مۇنىڭ سىرى نەدە؟
ينديرا ناۋرىزباەۆا, وقىرمان
– اللا ءار انشىگە ۇنىنە, داۋىسىنا قاراي باعىت-باعدار بەرەدى عوي. راس, مەنiڭ رەپەرتۋارىمداعى اندەردiڭ كوبi مۇڭدى. ءبارi تابيعاتىما جاقىن اندەر. حالىق مەنi سولاي تانىسا, دەمەك مۇڭدى اندەرiمدi ۇناتىپ, تىڭدايتىن سەكiلدi. داۋىسىم, ءۇنىم ليريكاعا جاقىن بولعاندىقتان, سونداي اندەردى ورىندايمىن. بiراق كوڭiلدi اندەرىم دە جوق ەمەس, بارشىلىق.
– ءانشى بولماساڭىز كىم بولار ەدىڭىز؟
پاناركۇل بەگدەربەكوۆا, وقىرمان
– ءانشى بولماسام, كوپ بالالى انا بولار ەدىم. نە بولماسا, اسكەري ادام بولار ما ەدىم…
– ءۇي شارۋاسىنا قالايسىز؟
ۆالەنتينا وبيجاەۆا, اسپاز
– ايەل ادام بولعان سوڭ, ءۇي شارۋاسىنا ەپتىمىن. بارلىق ايەل زاتى سەكىلدى اس ازىرلەپ, ءۇي جيناۋ مەنىڭ دە قولىمنان كەلەدى. قولىم قالت ەتكەندە دۇكەن ارالاپ, ۇيگە ازىق-تۇلىك الۋدى ۇمىتپايمىن.
– ەڭ العاش ساحناعا شىققان ءساتىڭىز ەسىڭىزدە مە؟
شىنار ەسەنوۆا, وقۋشى
– ەسىمدە. بەس جاسىمدا بالاباقشادا جۇرگەن كەزىمدە دىنمۇحاممەد قوناەۆ اتامىزدىڭ الدىندا ونەر كورسەتكەن بولاتىنمىن.
ازىرلەگەن ەركەجان كوپتىلەۋقىزى
