اشىق نقا پورتالى استانا اكىمدىگى قاۋلىسىنىڭ جوباسىن جاريا تالقىلاۋعا شىعاردى. سوعان سايكەس, قالالىق قوعامدىق كولىكتە جول ءجۇرۋ اقىسىن ارتتىرۋ جوسپارلانۋدا, دەپ حابارلايدى astana-akshamy.kz.
قۇجاتقا سايكەس, قوعامدىق كولىكتە جول ءجۇرۋ اقىسىن 90 تەڭگەدەن 110 تەڭگەگە دەيىن ارتتىرۋ ۇسىنىلادى.
ايتا كەتەيىك, قالالىق مارشرۋتتاردا جول جۇرۋگە 90 تەڭگە تاريف 2014 جىلدىڭ قىركۇيەگىندە بەلگىلەنگەن بولاتىن.
استانادا جانە قالا ماڭىندا وقيتىن 18 جاسقا دەيىنگى بالالار ءۇشىن قوعامدىق كولىكتە جول ءجۇرۋ 2020 جىلعى ناۋرىزدان باستاپ تەگىن. مىندەتتى شارت – مەكتەپتىڭ كولىك كارتاسىنىڭ بولۋى جانە ونى اۆتوبۋستا ۆاليداتسيا جاساۋ.
سونداي-اق كەلەسى ساناتتارعا جاتاتىن ازاماتتار بۇل جەڭىلدىككە يە:
1) ۇلى وتان سوعىسىنىڭ قاتىسۋشىلارى مەن مۇگەدەكتەرى جانە ولارعا تەڭەستىرىلگەن ادامدار;
2) جاسى جانە ەڭبەك ەتكەن جىلدارى بويىنشا زەينەتكە شىققاندار, سونداي-اق جاسى بويىنشا جانە اسىراۋشىسىنان ايىرىلۋ جاعدايى بويىنشا زەينەتكەرلىك جاسقا تولعان مەملەكەتتىك الەۋمەتتىك جاردەماقى الۋشىلار;
3) كوپبالالى انالار;
4) كوپبالالى وتباسىلار;
5) مۇگەدەكتەر;
6) ون سەگىز جاسقا دەيىنگى مۇگەدەك بالالار, ونىڭ ىشىندە اتا-انالارىنىڭ ءبىرى (زاڭدى وكىلدەرى).
7) «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن اقتالعان 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنان ساياسي قۋعىن-سۇرگىن قۇرباندارى.
