استانادا مەكتەپ وقۋشىلارىن تاماقتاندىرۋ كومبيناتىنىڭ قۇرىلىسى باستالدى. ءبىلىم بەرۋ سالاسىن دامىتۋدىڭ 2011-2020 جىلدارعا ارنالعان باعدارلاماسى اياسىندا وسىنداي كومبيناتتاردى ەلىمىزدىڭ بارلىق ايماقتارىندا سالۋ جوسپارلانىپ وتىر.

مەملەكەت باسشىسى نۇرسۇلتان نازارباەۆ پرەمەر-مينيستر سەرىك احمەتوۆتى قابىلدادى. ۇكىمەت باسشىسى ەلىمىزدىڭ قازىرگى الەۋمەتتىك-ەكونوميكالىق دامۋى, نەگىزگى مەملەكەتتىك باعدارلامالاردىڭ ىسكە اسىرىلۋى جانە ۇكىمەتتىڭ كەڭەيتىلگەن وتىرىسىندا بەرىلگەن تاپسىرمالاردىڭ ورىندالۋ بارىسى تۋرالى باياندادى. سونىمەن قاتار, ودان ارعى ەكونوميكالىق ءوسىمدى قامتاماسىز ەتۋدىڭ جانە ازاماتتاردىڭ ءال-اۋقاتىن ارتتىرۋدىڭ نەگىزگى ماسەلەلەرى قارالدى. كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.