استانالىق نەيروحيرۋرتار 52 جاستاعى پاتسيەنتتىڭ باسىنداعى كولەمدى مەنينگيوما ىسىگىن الىپ تاستادى. جىل باسىنان بەرى ۇلتتىق نەيروحيرۋرگيا ورتالىعىندا ءمامس بويىنشا 745 كۇردەلى وتا جاسالدى. جۋىردا ءمامس جۇيەسى اياسىندا تاعى ءبىر وتا ءساتتى ءوتتى. مي پاتولوگيالارى نەيروحيرۋرگياسى بولىمشەسىنىڭ نەيروحيرۋرگتارى پاتسيەنتتىڭ باس سۇيەگىنە قاراي وسكەن وتە ۇلكەن كولەمدەگى مي قابىعى مەنينگيوماسى ىسىگىن الىپ تاستادى, دەپ حابارلايدى astana-akshamy.kz.
ىسىكتىڭ ۇلكەن بولعانى سونشالىق, 52 جاستاعى ەر ادامنىڭ باسىنىڭ سول جاق ماڭداي-توبە ايماعىندا ۇلكەن تومپاق ءتۇيىن پايدا بولعان. ناۋقاستى ۇنەمى باس اۋرۋى, باس اينالۋ, قان قىسىمىنىڭ جوعارىلاۋى, اياقتارىنىڭ سەزىمتالدىعىنىڭ تومەندەۋى, قۇلاقتىڭ شۋىلى جانە السىزدىك مازالادى. ىسىك مولشەرى 85*60*55 مم-گە دەيىن وسكەن. ورتالىقتىڭ مي پاتولوگيالارى نەيروحيرۋرگياسى بولىمشەسىنىڭ مەڭگەرۋشىسى نۇرجان رىسكەلديەۆتىڭ ايتۋىنشا, مرت-عا تۇسىرگەننەن كەيىن مەنينگيوما انىقتاپ, ەر ازاماتتى ۇنو-عا جەدەل ەمدەلۋگە جىبەرگەن. پاتسيەنتكە نەيروناۆيگاتسيا مەن اپپاراتتىق رەينفۋزيانى قولدانا وتىرىپ, سول جاقتا وسكەن ينتراكرانيالدى سول جاق ماڭداي-توبە ايماعى مەنينگيوماسىن ميكروحيرۋرگيالىق تاسىلمەن الىپ تاستادى. وتا 5 ساعاتقا سوزىلىپ, ىسىك تولىعىمەن الىندى.
مۇنداي حيرۋرگيالىق ارالاسۋلار كەزىندە تەك زاماناۋي دياگنوستيكالىق جانە وپەراتسيالىق جابدىقتارى بار جوعارى مامانداندىرىلعان ورتالىقتاردا مىقتى مامانداردىڭ ارقاسىندا وڭ ناتيجەگە قول جەتكىزۋگە بولادى. «وتانى ماعان ءمامس اياسىندا كۆوتا بويىنشا تەگىن جاسادى. ىسىكتى الىپ تاستاعاننان كەيىن قان قىسىمىم قالىپقا كەلدى, دەنساۋلىق جاعدايىم جاقساردى, كوپ ۇزاماي قاجەتتىلىكتەرىمدى ءوزىم جاساي الاتىن قالپىما قايتا ورالامىن», – دەپ قۋانىشىمەن ءبولىستى 52 جاستاعى پاتسيەنت. ايتا كەتۋ كەرەك, جىل باسىنان بەرى ۇلتتىق نەيروحيرۋرگيا ورتالىعىندا ءمامس بويىنشا 745 كۇردەلى وتا جاسالدى. ەگەر قاندايدا ءبىر سۇراقتار تۋىنداسا, ەمدەلۋشىلەر مەديتسينالىق ساقتاندىرۋ قورىنا تومەندە كورسەتىلگەن كەرى بايلانىستىڭ رەسمي ارنالارى ارقىلى جۇگىنە الادى: Qoldau 24/7 ءموبيلدى قوسىمشاسى @saqtandyrybot تەلەگرامبوتى 1414 باي̆لانىس ورتالىعى قوردىڭ fms.kz ساي̆تى
