استانا اكىمدىگى مەن ايماقتىق كاسىپكەرلەر پالاتاسى اراسىندا ارىپتەستىك تۋرالى مەموراندۋمعا قول قويىلدى.
كەشە استانا قالاسى اكىمدىگىندە كاسىپكەرلىككە قاتىستى كەلەلى ماسەلەلەردى بىرىگىپ قاراستىرىپ شەشۋ, سونداي-اق, وتاندىق بيزنەستىڭ باسەكەگە قابىلەتتىلىگىن ارتتىرۋ جونىندەگى جۇيەلى شارالاردى جۇرگىزۋ ماقساتىندا بيلىك پەن بيزنەس اراسىندا كەلىسىمدەر جۇرگىزۋگە باعىتتالعان قالا اكىمدىگى مەن ايماقتىق كاسىپكەرلەر پالاتاسى اراسىندا كونسۋلتاتيۆتى-كەڭەسشى ورگانداردىڭ قىزمەتى جونىندەگى ارىپتەستىك تۋرالى مەموراندۋم جاسالدى. قالا اكىمدىگى اتىنان يمانعالي تاسماعامبەتوۆ, كاسىپكەرلەر پالاتاسى اتىنان مەيىربەك ماجيتوۆ وسى قۇجاتقا قول قويدى.
«ۇلتتىق كاسىپكەرلەر پالاتاسى قۇرىلعان ساتتەن باستاپ ءبىزدىڭ بايلانىسىمىز جاقسى جولعا قويىلعان. مەملەكەت بيزنەسكە قارجى جاعىنان دا, باسقا جاعىنان دا ۇلكەن قولداۋ كورسەتىپ كەلەدى. وتە كوپ ءىس-شارالار وتكىزىلدى. جۋىردا عانا 1200 كاسىپكەر قاتىسقان ستارتاپ فورۋمى وسىنىڭ ءبىر ايعاعى بولسا, وندا ءۇش مىڭعا جۋىق ەكى جاقتى كەزدەسۋ, ون ەكى بيزنەس-ترەنينگ وتكىزىلىپ, ءار ءتۇرلى سەمينارلار مەن كورمەلەر ۇيىمداستىرىلدى. بۇل كاسىپكەرلىكتىڭ دامۋى ءۇشىن ۇلكەن مۇمكىندىك بەرەدى» دەدى استانا قالاسىنىڭ اكىمى يمانعالي تاسماعامبەتوۆ.
سۇبەلى ءسوز
يمانعالي تاسماعامبەتوۆ, استانا قالاسىنىڭ اكىمى:
– ەڭبەككە قابىلەتتى تۇرعىنداردىڭ 40%-ى شاعىن جانە ورتا بيزنەس سالاسىندا جۇمىسپەن قامتىلعان. بىزدە ەلۋ مىڭنان استام شاعىن جانە ورتا بيزنەس سۋبەكتىسى بار. بۇل رەتتە مەملەكەت تاراپىنان شوب دامۋى ءۇشىن ايتارلىقتاي قولداۋ كورسەتىلىپ كەلە جاتىر. «بيزنەستىڭ جول كارتاسى-2020» باعدارلاماسى اياسىندا وسى شارا قولعا الىنعالى 67 ميللياردتان استام تەڭگەنىڭ 349 جوباسى ماقۇلدانسا, باعدارلامانى جۇزەگە اسىرۋ باستالعالى سەگىز مىڭنان استام جۇمىس ورنى ساقتالىپ, ءتورت مىڭنان استام جاڭا جۇمىس ورنى اشىلدى. بۇل – وتە جاقسى كورسەتكىش. الداعى ۋاقىتتا بيزنەس-ورتانىڭ جايلىلىعىن قامتاماسىز ەتۋ ءۇشىن ءبىرتۇتاس مىندەتتەر كەشەنى قابىلدانادى.
«ەڭبەككە قابىلەتتى تۇرعىنداردىڭ 40%-ى شاعىن جانە ورتا بيزنەس سالاسىندا جۇمىسپەن قامتىلعان. بىزدە ەلۋ مىڭنان استام شاعىن جانە ورتا بيزنەس (شوب) سۋبەكتىسى بار. بۇل رەتتە مەملەكەت تاراپىنان شوب دامۋى ءۇشىن ايتارلىقتاي قولداۋ كورسەتىلىپ كەلە جاتىر. «بيزنەستىڭ جول كارتاسى-2020» باعدارلاماسى اياسىندا وسى شارا قولعا الىنعالى 67 ميللياردتان استام تەڭگەنىڭ 349 جوباسى ماقۇلدانسا, باعدارلامانى جۇزەگە اسىرۋ باستالعالى سەگىز مىڭنان استام جۇمىس ورنى ساقتالىپ, ءتورت مىڭنان استام جاڭا جۇمىس ورنى اشىلدى. بۇل – وتە جاقسى كورسەتكىش. الداعى ۋاقىتتا بيزنەس-ورتانىڭ جايلىلىعىن قامتاماسىز ەتۋ ءۇشىن ءبىرتۇتاس مىندەتتەر كەشەنى قابىلدانادى» دەدى اكىم.
ساعي ورال
