ەكونوميكانىڭ شيكىزات ەمەس سەكتورلارىندا وڭىرلىك كاسىپكەرلىكتىڭ ورنىقتى جانە تەڭگەرىمدى ءوسۋىن قامتاماسىز ەتۋ, سونداي-اق, تۇراقتى جۇمىس ورىندارىن ساقتاپ قالۋ جانە جاڭالارىن قۇرۋ ماقساتىندا «بيزنەستىڭ جول كارتاسى-2020» باعدارلاماسى ىسكە اسىرىلۋدا. باعدارلامانىڭ باستى مىندەتى – جاڭا بيزنەس-باستامالاردى قولداۋ, كاسىپكەرلىك سەكتوردى ساۋىقتىرۋ بولىپ تابىلادى.
استانا قالاسىنىڭ ۇدەمەلى يندۋستريالدىق دامىتۋ جونىندەگى ۇيلەستىرۋ كەڭەسىنىڭ شەشىمىمەن بيىل ءبىرىنشى قىركۇيەككە دەيىن جالپى سوماسى 13,2 ملرد تەڭگەنى قۇرايتىن 78 جوبا ماقۇلداندى, ونىڭ ىشىندە 76 جوبا بويىنشا نەسيەلەردىڭ پايىزدىق مولشەرلەمەسى سۋبسيديالانسا, 9 جوبانىڭ نەسيەسى كەپىلدەندىرىلىپ, ءبىر جوبانىڭ وندىرىستىك ينفراقۇرىلىمى جاقسارتىلماق.
جالپى, 2013 جىلعا «بيزنەستىڭ جول كارتاسى-2020» باعدارلاماسىن جۇزەگە اسىرۋ ماقساتىندا 3 894,6 ملن تەڭگە بولىنگەن. مۇنىڭ ىشىندە: بانكتەردىڭ نەسيەلەرى بويىنشا پايىزدىق ستاۆكانى سۋبسيديالاۋعا – 3535,3 ملن تەڭگە, نەسيەلەردى ءىشىنارا كەپىلدەندىرۋگە – 70,0 ملن تەڭگە, سەرۆيستىك قولداۋ بويىنشا قىزمەتتەرگە 50,0 ملن تەڭگە, مەملەكەتتىك گرانتتى قارجىلاندىرۋ ماقساتىندا – 24,0 تەڭگە, وندىرىستىك ينفراقۇرىلىمدى (يندۋستريالىق) دامىتۋعا 215,3 ملن تەڭگە بولىنگەن.
– بىلتىرعى جىلمەن سالىستىرعاندا, جوبالاردى قولداۋ 3-4 ەسەگە ءوستى. ماقۇلدانعان جوبالاردىڭ 35 پايىزى ءونىم وندىرۋگە باعىتتالعان. قالعان 65 پايىزى قىزمەت كورسەتۋ سالاسىن تولىقتىرىپ وتىر. اتاپ ايتقاندا, كولىك-لوگيستيكا – 28,2 پا-يىز, قوناق ءۇي بيزنەسى – 12,5 پايىز, ءبىلىم بەرۋ – 6 پايىزدى قۇرايدى. اسىرەسە, مەكتەپكە دەيىنگى مەكەمەلەر جۇمىسىن ۇيىمداستىرۋعا ايرىقشا باسىمدىق بەرىلىپ وتىر. دەنساۋلىق ساقتاۋ ءىسى 8,8 پايىزدى قۇراسا, باسقالارى 9,4 پايىزدى قامتيدى.
باعدارلاما اياسىندا استانالىق كاسىپكەرلەردى تەك قارجىلاي ەمەس, باسقالاي قولداۋ دا قاراستىرىلعان. مىسالى, كونسالتينگتىك جانە ماركەتينگتىك قىزمەتتەر كورسەتۋمەن قاتار, ورتالىقتاندىرىلعان بۋحگالتەريا, زاڭ قىزمەتى, اقپاراتتىق تەحنولوگيالار سالاسىندا قىزمەت كورسەتىلەدى. بيزنەستى جاڭا باستاعانداردىڭ شىعارعان ءونىمىنىڭ نە قىزمەتىمەن نارىققا كىرۋ ءۇشىن ماركەتينگتىك زەرتتەۋلەر جۇرگىزۋگە قولداۋ بىلدىرەمىز, – دەيدى كاسىپكەرلىك جانە ونەركاسىپ باسقارماسى «بيزنەستىڭ جول كارتاسى-2020» باعدارلاماسىن ىسكە اسىرۋ ءبولىمىنىڭ باسشىسى جانار بەسكەمپىروۆا.
بيزنەستىڭ دامۋىنا كەدەرگى كەلتىرەتىن ماسەلەلەر كەڭەستىڭ وتىرىستارىندا ۇنەمى قاراستىرىلادى. كاسىپكەرلەردەن كەلىپ تۇسكەن 25 ءوتىنىم بويىنشا ەلەكترمەن قامتاماسىز ەتۋ, جول جوندەۋ, سۋمەن, كارىز جۇيەسىمەن قامتاماسىز ەتۋ, جىلۋ توراپتارىن جەتكىزۋ سياقتى جۇمىستارعا رەسپۋبليكالىق بيۋدجەتتەن باعدارلاما باستالعان كەزەڭنەن باستاپ (2010 ج.) 1 577,6 ملن تەڭگە ءبولىندى.
سونىمەن قاتار, استانا قالاسىنىڭ ۇدەمەلى يندۋستريالدىق دامۋ جونىندەگى ۇيلەستىرۋ كەڭەسى استانا قالاسى ءۇشىن باسىم سەكتورلاردى ىرىكتەپ الۋعا ايرىقشا كوڭىل بولەدى. بۇگىنگى كۇندە قالامىزدا دامي قويماعان بيزنەس تۇرلەرى بار. بۇل – جەكەمەنشىك بالالار باقشاسى, تۋريزم, قۇرىلىس زاتتارى, تاماق ءونىمى ءوندىرىسى.
كاسىپكەرلەرگە دە كەڭەس تاراپىنان قويىلاتىن تالاپ تاستاي. ونىمدەرىنىڭ ساپاسىنىڭ ارتۋى, باستاپقى باعاسىنىڭ تومەندەۋى ءبىرىنشى كەزەكتە بولۋى ءتيىس. سونىمەن قاتار, جاڭا اشىلعان جۇمىس ورىندارىنا استانا قالاسىنىڭ جۇمىسپەن قامتۋ جانە الەۋمەتتiك باعدارلامالار باسقارماسىندا تىركەۋدە تۇرعان جۇمىسسىز ازاماتتاردى قابىلداسا قۇبا-قۇپ.
ايگۇل ۋايسوۆا
