ەلىمىزدە جىلجىمايتىن مۇلىك قۇقىعى مىندەتتى تۇردە ەلەكتروندىق تارتىپپەن تىركەلەتىن بولادى. جىلجىمايتىن مۇلىككە قۇقىقتى مەملەكەتتىك تىركەۋ حالىققا قىزمەت كورسەتۋ ورتالىقتارى ارقىلى نەمەسە بىرىڭعاي نوتارياتتىق اقپاراتتىق جۇيە ارقىلى ەلەكتروندىق نىساندا جۇزەگە اساتىن بولادى. وسىعان بايلانىستى قۇقىقتاردى قاعاز تۇرىندەگى تىركەۋ بالاماسى الىنىپ تاستالادى.

بيىل ءتورتىنشى رەت وتەتىن «قازاقستان بارىسى» رەسپۋب­ليكالىق ءتۋرنيرىنىڭ رەگلامەنتى جاريالاندى. جارىستىڭ ءبىرىنشى كەزەڭى 31 ناۋرىزعا دەيىن اۋىلداردا وتەدى. ەكىنشى كەزەڭى اۋداندىق جانە قالالىق دارەجەدە ءساۋىر ايىندا, ءۇشىنشى كەزەڭدە 1-20 مامىر ارالىعىندا وبلىستىق ىرىكتەۋ جارىستارى وتەدى. «قازاقستان بارىسى-2014» اتاعى 29 ماۋسىم كۇنى استاناداعى «سارىارقا» رەسپۋبليكالىق ۆەلوترەگىندە انىقتالادى.