باستى اقپاراتجاڭالىقتار
يۆان دىچكو – ريو وليمپياداسىنىڭ قولا جۇلدەگەرى!
ريو-دە-جانەيرودا ءوتىپ جاتقان وليمپيادا ويىندارىندا بوكستان 91 كەلىدەن جوعارى سالماق دارەجەسىندە جارتىلاي فينالدار ءوتتى.
جارىستىڭ بۇل كەزەڭىندە قازاقستاندىق يۆان دىچكو مەن ۇلىبريتانيالىق دجوزەف دجويس كەزدەستى.
تورەشىلەردىڭ شەشىمىمەن د.دجويس 3:0 (29-28, 29-28, 29-28) ەسەبىمەن جەڭىسكە جەتىپ, فينالعا شىقتى. ال, ي.دىچكو ەكىنشى رەت وليمپيادانىڭ قولا جۇلدەگەرى اتاندى.
ايتا كەتەيىك, يۆان دىچكونىڭ بۇل «قولاسى» قازاقستان ۇلتتىق قۇراماسىنىڭ 16-شى جۇلدەسى.
فوتو: يزتۋرگان الداۋەۆ