كەپتەرگە كەسەل قايدان كەلدى؟
ەسىل وزەنى جاعالاۋىندا قىرىلىپ جاتقان كەپتەرلەر استانالىقتاردىڭ الاڭداۋشىلىعىن تۋعىزۋدا. ولار الەۋمەتتىك جەلىگە ءولى قۇستاردىڭ سۋرەتىن جاريالاپ, كەسەلدىڭ نەدەن كەلگەنىن بىلە الماي الەك.
وسى ماسەلەنىڭ انىق-قانىعىن تەكسەرمەك بولىپ قالاداعى سانيتارلىق-ەپيدەميولوگيالىق ساراپتاما ورتالىعىنىڭ تۇتىنۋشىلاردىڭ قۇقىقتارىن قورعاۋ دەپارتامەنتىنە حابارلاسقان ەدىك.
– جاعالاۋداعى كەپتەرلەردىڭ قىرىلۋ سەبەبىن انىقتاۋ ءۇشىن ەسىل وزەنىندەگى سۋدىڭ سىناماسىن الدىق. ونىڭ حيميالىق, راديولوگيالىق, ميكروبيولوگيالىق جانە توكسيكولوگيالىق قۇرامىن زەرتتەيمىز. تالداۋ ناتيجەسى بويىنشا قوسىمشا ءمالىمدەيمىز, – دەپ جاۋاپ بەردى بىزگە اتالمىش ۇيىم مامانى.
سونىمەن قاتار, ۆەدومستۆو وكىلىنىڭ ايتۋىنشا, بيىلعى 4 تامىز كۇنى «استانالىق دەزينفەكتسيا» جشس قالالىق ساياباق اۋماعىندا, ونىڭ ىشىندە جاعالاۋ ماڭىندا دا تازالاۋ جۇمىستارىن جۇرگىزگەن ەكەن.
بوتاگوز ماراتقىزى