استانادا كومىر ساتۋ ورىندارى تۋرالى ەندى Smart Astana قوسىمشاسى ارقىلى بىلۋگە بولادى. ەندى Smart Astana قوسىمشاسىن پايدالانا وتىرىپ, كومىردىڭ بار-جوعىن, ساتۋ ورتالىعىنىڭ مەكەنجايىن, باعاسى مەن ساپاسى تۋرالى اشىق اقپاراتتى كورۋگە بولادى. موبيلدىك قوسىمشادا 16 ساۋدا نۇكتەسى مەن كومىردىڭ 5 ءتۇرى كورسەتىلگەن.
كومىردىڭ بار-جوعى تۋرالى كۇندەلىكتى اقپاراتتى استانا قالاسىنىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسى بەرەدى. Smart Astana ارقىلى باعا مونيتورينگى ونلاين فورماتتا جۇرگىزىلىپ, كومىردىڭ جەتكىزۋ ۋاقىتىن كورە الاسىزدار. سونداي-اق كومىردىڭ ءتۇرى مەن باعاسى سۇرىپتالىپ, ءوزىڭىز قالايتىن ءتۇرىن تاڭداي الاسىز. سول سياقتى پايدالانۋشى كومىر ساتۋ ورنىن وزىنە جاقىن ەتىپ تاڭداي الادى. ساتىپ الۋشىعا ىڭعايلى بولۋ ءۇشىن قىزمەت كورسەتۋشىنىڭ بايلانىس تەلەفوندارى كورسەتىلگەن. ساتۋ ورنىندا كومىر بولماسا نەمەسە ونىڭ باعاسى تىم جوعارى بولسا, باسقا دا سەبەپتەرمەن قىزمەت كورسەتۋ كوڭىلىڭىزدەن شىقپاسا, Smart Astana ءموبيلدى قوسىمشاسىندا پىكىر قالدىرۋ نە شاعىم جازۋ مۇمكىندىگى بار.
Smart Astana قوسىمشاسىن Play Market پەن App Store پلاتفورمالارىنان كەلەسى سىلتەمە ارقىلى https://onelink.to/nkzfxa جۇكتەپ الۋعا بولادى.
ايتا كەتەيىك, ەلوردادا قالانى گازداندىرۋ جۇمىسى ءجۇرىپ جاتىر. الماتى جانە سارىارقا اۋداندارىندا گازعا قوسىلۋ مۇمكىندىگى تولىق قامتاماسىز ەتىلگەن. ولار – «كوكتال-1», «كوكتال-2», «اگروقالاشىق», «تەمىرجولشىلار», «پرومىشلەننىي», «وڭتۇستىك-شىعىس» (وڭ جانە سول جاعى), «كۇيگەنجار», «ميچۋرين», «ينتەرناتسيونالنىي», سونداي-اق گ.پوتانين كوشەسى اۋدانىنداعى قالانىڭ ەسكى بولىگى. 680 شاقىرىمنان استام گازبەن جابدىقتاۋ جەلىسىنىڭ قۇرىلىسى اياقتالدى, كۆارتالىشىلىك جەلىلەر تارتىلدى. گازعا 6 مىڭنان استام ءۇي قوسىلعان.
قالعان بايقوڭىر جانە ەسىل (كۆارتالىشىلىك جەلىلەر – 2023 جىلى) اۋداندارىندا گاز قۇبىرىن سالۋ جۇمىسى ءجۇرىپ جاتىر.
