دارىندى بالالارعا ارنالعان «زەردە» مەكتەبىنىڭ مۇعالىمى بەكبولات تاعانوۆ – ماتەماتيكا پانىنەن باعدارلامالىق ماتەريالىن تولىق مەڭگەرگەن, وقىتۋدىڭ ديداكتيكالىق, ادىستەمەلىك تالاپتارىن ورىندايتىن ىزدەنىمپاز, شىعارماشىل پەداگوگ. ول دا «استانا تاڭداۋى» بايقاۋىنا ۇسىنىلىپ وتىر.
ۇستاز رەتىندە بەكبولات سارسەنبايۇلىنىڭ ماقساتى – وقۋشىلاردىڭ ينتەللەكتۋالدىق اقىل-وي قابىلەتتەرىن دامىتۋعا, تانىمدىق ءىس-ارەكەت پەن ءوز بەتىمەن ءبىلىم الۋعا ءمۇمكىندىك تۋدىراتىن ءادىس-ءتاسىلدى مەڭگەرتۋ. وسى ماقساتقا جەتۋ جولىندا پروبلەمالىق وقىتۋ تەحنولوگياسىن قولدانا وتىرىپ, دارىندى بالانىڭ ءوزىن-ءوزى وزگەرتۋشى سۋبەكت رەتىندە دامۋىنا جەتەلەيتىن جەكە تۇلعاعا باعىتتالعان دەڭگەيلىك جۇمىس تۇرلەرىن بەرۋ ارقىلى تەرەڭ دە, كولەمدى ءبىلىم بەرۋدە ءتيىمدى ءادىس-تاسىلدەردى پايدالانادى. مەكتەپتىڭ ءوز ەرەكشەلىگىنە بايلانىستى ماتەماتيكانى تەرەڭدەتىپ وقىتۋدا ءوز قولتاڭباسى بار, ۇلكەن تاجىريبە جيناعان ۇستاز.
مۇعالىمنىڭ ءپان بويىنشا سىنىپتان تىس جۇمىستارىندا (وليمپيادا, عىلىمي-پراكتيكالىق سەمينار, كونفەرەنتسيا) وقۋشىلاردى ءوز بەتىنشە جۇمىس جاساۋدى ۇيرەتۋ, شىعارماشىلىق وسۋىنە جاعداي جاساۋ, ءوز مۇمكىندىگىن دۇرىس پايدالانۋىنا كومەكتەسەدى. بەكبولات سارسەنبايۇلىنىڭ ناتيجەلى جۇمىسى وقۋشىلارىنىڭ وليمپيادالارداعى جەتىستىكتەرىنەن كورىنەدى.
ول ماتەماتيكانىڭ بيىك شىڭىنان كورىنىپ جۇرگەن «جاس پيفاگورىمىز» امانكەلدى اكەجاندى 5-سىنىپتان باستاپ تاربيەلەپ, ونىڭ ماتەماتيكالىق دارىنىن ءدوپ باسىپ اشا بىلگەن العاشقى ۇستازى. امانكەلدى اكەجان 2007 جىلى استانا قالالىق «جاس ماتەماتيك» وليمپياداسىندا 5 – سىنىپتار اراسىندا ءىى ورىن, 6 – سىنىپتا 7 – سىنىپ ءۇشىن قاتىسىپ, وندا دا ءىى ورىن يەلەندى.
بەكبولات سارسەنبايۇلى ساباق بەرەتىن 8-سىنىپ وقۋشىلارىنىڭ دا جەتىستىكتەرى اۋىز تولتىرىپ ايتارلىقتاي. كوشەك ابۋباكىر 2012 جىلى ومبى قالاسىندا وتكەن حالىقارالىق كۋكين وليمپياداسىنىڭ ءىى ورىن جۇلدەگەرى. 2013 جىلى ومبى قالاسىندا وتكەن حالىقارالىق ەيلەر وليمپياداسىنىڭ ءىىى ورىن يەگەرى اتاندى. 2013 جىلى قالالىق ءپان وليمپياداسىندا ءىىى ورىندى ەنشىلەسە, 2013 جىلى «سۇلتانعازين اتىنداعى ماتەماتيكالىق وليمپيادادا» ءىى ورىن يەلەندى.
وسىنداي تاماشا ناتيجەلەرگە قول جەتكىزە بىلگەن مۇعالىمنىڭ ەڭبەگى ەلەۋسىز ەمەس. بەكبولات سارسەنبايۇلى 2008 جىلى قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ گراموتاسىمەن ماراپاتتالسا, 2009 جىلى «ۇزدىكسىز ءبىلىم بەرۋ ءمان ماتىنىندە دارىندى بالالارمەن جۇمىس» اتتى ماتەماتيكا ءپانى مۇعالىمدەرىنىڭ عىلىمي – پراكتيكالىق كونفەرەنتسياسىنا قاتىسقانى ءۇشىن جانە 2011 جىلى «دارىندىلىق ماسەلەسىنە جاڭاشا كوزقاراس» حالىقارالىق عىلىمي-پراكتيكالىق كونفەرەنتسياسىنىڭ سەرتيفيكاتتارىن ەنشىلەدى. 2011 جىلى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى ت.بيتۋوۆانىڭ العىس حاتىمەن ماراپاتتالدى. 2012 جىلى ومبى قالاسىنداعى ەيلەر اتىنداعى ماتەماتيكالىق وليمپيادانىڭ رەگيونالدىق ادىلقازىلار القاسىنىڭ العىس حاتىن يەلەنگەن ول سول جىلى «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» بەلگىسىمەن ماراپاتتالدى.
قىمبات توقتامۇرات
