قر تاۋەلسىزدىگىنىڭ 30 جىلدىعى مەن ءباا-ءنىڭ قۇرىلعانىنا 50 جىل تولۋىنا وراي پوشتالىق ماركالار شىعارىلدى.
قازاقستان مەن بىرىككەن اراب امىرلىكتەرىنىڭ پوشتا قىزمەتتەرى «ەستەلىك جانە مەرەيتويلىق كۇندەر» سەرياسىمەن «قازاقستان رەسپۋبليكاسىنىڭ تاۋەلسىزدىگىنە 30 جىل. بىرىككەن اراب امىرلىكتەرىنىڭ قۇرىلعانىنا 50 جىل» تاقىرىبىندا ماركالار شىعاردى. اينالىمعا ەنگىزىلگەن ماركالاردى ەلىمىزدەگى پوشتا بولىمشەلەرىندە نەمەسە kazpost.kz سايتىنان ونلاين تارتىپتە تاپسىرىس بەرىپ الۋعا بولادى. شىعارىلىم ءبىر-بىرىنە جالعاسقان ەكى ماركادان تۇرادى. ءاربىر پوشتا ماركا كولەمى – 28 ح 40 مم جانە نومينالى 550 تەڭگە. تارالىمى – 20 مىڭ دانا. ماركالاردى جاساۋ كەزىندە ۋلتراكۇلگىن بوياۋمەن قورعاۋ ەلەمەنتتەرى قولدانىلدى. ولار لاكپەن جانە التىن فولگامەن ورنەكتەلگەن.
