قر ستاتيستيكا اگەنتتىگىنىڭ بۇرىنعى توراعاسى ا.مەشىمباەۆاعا قاتىستى قىلمىستىق ءىس اياقتالدى. بۇل اقپاراتتى استانا قالاسى پروكۋراتۋراسىنىڭ ءباسپاسوز قىزمەتى جاريالادى.
ا.مەشىمباەۆا قر قك-ءنىڭ 176-بابى 3-بولىگى «ب,گ» تارماقتارىمەن جانە 307-بابى 3-بولىگىمەن, 2009 جىلى حالىق ساناعىن وتكىزۋگە قاجەت ساناق قۇرالدارىن دايىنداۋ ءۇشىن بولىنگەن 758.2 ميلليون تەڭگە مولشەرىندەگى سەنىپ تاپسىرىلعان اقشا قاراجاتتارىن ءوزىنىڭ ورىنباسارلارىمەن, مەردىگەر ۇيىمنىڭ باسشىلىعىمەن جانە باسقا دا تۇلعالارمەن بىرگە ادامدار توبىنىڭ الدىن الا ءسوز بايلاسۋىمەن جىمقىرعانى ءۇشىن, سونداي-اق وكىلەتتىكتەرىن تەرىس پايدالانعانى ءۇشىن ايىپتالۋدا. 2013 جىلدىڭ 15 قاراشاسىندا ا.مەشىمباەۆانىڭ ءىسى جوعارىدا اتالعان قىلمىستىق كودەكستىڭ باپتارىمەن سوتقا بەرىلىپ, بۇگىنگى تاڭدا قىلمىستىق ءىس استانا قالاسىنىڭ ەسىل اۋداندىق №2-ءشى سوتىنىڭ وندىرىسىندە.
مەملەكەت قارجىسىن تالان-تاراجعا سالىپ, شەتەل اسىپ كەتكەن ا.مەشىمباەۆاعا قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى 2009 جىلدان بەرى ىزدەۋ جاريالاعان بولاتىن. ول بيىلعى قىركۇيەك ايىندا رەسەي فەدەراتسياسىنان ەكستراديتسيا تارتىبىمەن ەلىمىزگە قايتارىلدى.
