كەشە «بايتەرەك» حالىقارالىق مەديا ورتالىعىندا نان باعاسىنىڭ قىمباتتاۋىنا بايلانىستى بريفينگ ءوتتى. باسقوسۋدا استانا قالاسى اۋىل شارۋاشىلىعى باسقارماسىنىڭ باسشىسى مۇرات دالاباەۆ ءسوز سويلەپ, نان ونiمدەرi نارىعىنداعى iرi مونوپوليست سانالاتىن «تسەسنا-استىق» كونتسەرنi مەملەكەتتiك قوردان ارزان باعامەن ۇن الۋدان باس تارتىپ, نان باعاسىن وسiرگەنىن جەتكىزدى.
«نان باعاسىن تۇراقتى ۇستاپ تۇرۋ ماقساتىندا ۇكiمەت مەملەكەتتiك قوردان كاسiپورىندارعا ارزان باعامەن بيداي ساتۋ تۋرالى شەشiم قابىلدادى. استانادا سوڭعى بەس-التى جىلدا ناننىڭ بiر بولكەسi 50 تەڭگەدەن ساتىلىپ كەلەدi. باعا مەملەكەتتiك قوردان بەلگiلەنگەن باعامەن بيداي الۋ ءارi بيداي وڭدەۋشi جانە ناۋبايحانا كاسiپورىندارىمەن بەكiتiلگەن مەموراندۋم ەسەبiنەن تۇراقتى ۇستالدى. اعىمداعى جىلى دا بۇل باعدارلاما جالعاسىن تاپتى, 19 ناۋبايحانا نان باعاسىن نەگiزسiز وسiرۋگە جول بەرمەۋ تۋرالى مەموراندۋمعا قول قويدى. نان ونiمدەرi نارىعىنداعى «تسەسنا» كونتسەرنى بۇل باعدارلاماعا بيىل قاتىسۋدان باس تارتىپ, 10 ماۋسىمنان نان باعاسىن 60 تەڭگەگە قىمباتتاتۋ تۋرالى شەشiم قابىلدادى. بiز ولارعا ەشقانداي شارا قولدانا المايمىز. ويتكەنi, ول – جەكە مەنشىك كاسiپورىن» دەدi اۋىل شارۋاشىلىعى باسقارماسىنىڭ باسشىسى م.دالاباەۆ. سونداي-اق, ول مەموراندۋمعا قول قويعان بارلىق كاسiپورىن ونىڭ تالاپتارىن ساقتاپ, نان باعاسىن وسىرمەي وتىرعانىن ايتتى.
جيىندا «تسەسنا-استىق» كونتسەرنi ديرەكتورلار كەڭەسiنiڭ مۇشەسi يليا مەششەرياكوۆ نان باعاسىن ءوسىرۋدىڭ سەبەبىن بىلاي ءتۇسىندىردى: «2008 جىلدان باستاپ الەۋمەتتiك ناننىڭ باعاسى بiر قالىپتا بولدى. ەنەرگيا رەسۋرستارىنىڭ قىمباتتاۋىنا قاراماستان, ناننىڭ باعاسىن كوتەرمەدiك. بۇگiندە بيدايدىڭ 1 تونناسى 47 مىڭ تەڭگە تۇرادى, ال بiرiنشi سورتتى ۇننىڭ كەلىسى – 65 تەڭگە. استانا اكiمدiگi قول قويعان مەموراندۋمعا سايكەس, مەملەكەتتiك قورداعى بيدايدىڭ بiر تونناسى 28400 تەڭگەدەن, ال بiر كەلى ۇن 47 تەڭگەدەن ساتىلىپ كەلدi. مەموراندۋمعا سايكەس, وسى ۋاقىتقا دەيiن ناندى 50 تەڭگەدەن ساتتىق. وتكەن جىلى اۋىل شارۋاشىلىعى مينيسترلiگiنە وندىرۋشiلەردەن نانعا قاتىستى ءوتiنiش جاسادىق. زاڭ جۇزiندە بiز مەملەكەتتiك قوردان ارزان باعامەن ۇن الۋ باعدارلاماسىنا قاتىسا المايمىز. ويتكەنى, مينيسترلىك بىرقاتار شارتتار قويىپ وتىر. ول شارتتارمەن بiزدiڭ كاسىپورىن جۇمىس جاساي المايدى. بۇل تۋرالى پرەمەر-مينيستر مەن قالا اكiمiنە دە حات جولدادىق. الايدا, ەشقانداي كەلىسiمگە كەلە المادىق. سۋبسيديالاۋدىڭ مەحانيزمi ەسكiرگەن, بۇگiندە ول تيiمدi ەمەس».
ي.مەششەرياكوۆتىڭ ايتۋىنشا, ەگەر ۇكiمەت بيداي مەن ۇندى ەمەس, ناننىڭ ءوزiن سۋبسيديالاسا, باسقاشا بولار ەدi. ناننىڭ, ساۋدا ورنىنا جەتكiزۋ سىندى بiرقاتار شىعىنداردى ەسەپكە الماعاندا, وزiندiك قۇنى – 65-68 تەڭگە. نان ونiمدەرiن ءوندiرۋشi كاسiپورىندار 2008 جىلدان باستاپ ەكi دەۆالۆاتسيانى باستان كەشiرگەن. سونىمەن قاتار, جانار-جاعارمايدىڭ, باسقا دا شىعىنداردىڭ قىمباتتاعانى بار. «بۇرىن الەۋمەتتiك نان 45 تەڭگەدەن ساتىلاتىن, قالاعا جەتكiزگەنگە دەيىن 48 تەڭگەگە قىمباتتايدى. دۇيسەنبiدەن باستاپ ناندى 50 تەڭگەدەن ساتامىز. ساۋدا ورىندارىنا جەتكiزۋدi قوسقاندا ونىڭ باعاسى – 55 تەڭگە بولادى. بiز ساۋدا ورىندارىنا ناندى 60 تەڭگەدەن ساتۋدى ۇسىنامىز. الايدا, بiز ولاردى مiندەتتەي المايمىز. ەگەر ناننىڭ باعاسى 60 تەڭگەدەن اسىپ كەتەتiن بولسا, ول الىپساتارلاردىڭ جاساپ وتىرعانى» دەدi «تسەسنا-استىق» كونتسەرنiنىڭ وكiلi.
استانا اكiمدiگiمەن مەموراندۋمعا قول قويىپ, مەملەكەتتiك قوردان ارزان باعامەن ۇن ساتىپ الاتىن ناۋبايحانالار ناندى 50 تەڭگەدەن ساتادى. تاۋارلاردىڭ قىمباتتاماۋىن اكiمدiك ءوز باقىلاۋىنا الادى. ال ەلورداداعى ەڭ ءiرى نان ءوندiرۋشi كاسiپورىن «تسەسنا-استىق» كونتسەرنi نان باعاسىن 60 تەڭگەگە قىمباتتاتتى. الايدا, ارناۋلى قۇجاتى بار زەينەتكەرلەر مەن تۇرمىسى تومەن توپتارعا نان ارزان باعامەن ساتىلاتىنىن ايتادى ي.مەششەرياكوۆ.
اسحات رايقۇل
