ءومىرجان ءتاشىموۆ, «Astana Innovations» اق باسقارۋشى ديرەكتورى: جەدەلساتى باسقارۋدىڭ ورتاق جۇيەسى ەنگىزىلەدى
الداعى ۋاقىتتا Smart-lift جوباسى اياسىندا ەلورداداعى بارلىق ليفتتەردى باسقارۋ ءبىر جۇيەگە جيناقتالاتىن بولادى. وسى رەتتە ورتاق جۇيەنىڭ ارتىقشىلىعى تۋرالى «Astana Innovations» اق باسقارۋشى ديرەكتورى ءومىرجان ءتاشىموۆ ايتىپ بەردى.
– جوبانىڭ العا قويعان مىندەتى قانداي؟
– ليفت شارۋاشىلىعىن تۇگەلدەي بىرىڭعاي ليفت جۇيەسىنە بىرىكتىرۋ. ول ارقىلى قالانىڭ ليفت شارۋاشىلىعىنا مونيتورينگ جاساپ, ونى باسقارۋ.
– جاڭا جوبا قاشان جۇزەگە اسپاق؟
– Smart-lift – بىلتىر تەحنولوگيالىق بيزنەس-ينكۋباتسيالاۋ باعدارلاماسىنىڭ اياسىندا ىرىكتەپ الىنعان بەس يننوۆاتسيالىق start-up جوبانىڭ ءبىرى. ول جوبانىڭ تولىق قۋاتقا شىعۋى جوبانى ۇسىنۋشىعا بايلانىستى. جىل سوڭىنا دەيىن پيلوتتىق رەجيمدە جۇزەگە اسىرىلا باستايدى.
– ليفتتەر پايدالانۋدىڭ قاۋىپسىزدىگى باعدارلامادا قانشالىقتى قامتىلدى؟
– بۇل ليفتتەردى پايدالانۋ قاۋىپسىزدىگىن قامتاماسىز ەتۋ تۇرعىسىنان قالانىڭ ليفت شارۋاشىلىعى دامۋىن كوزدەيدى. بىزگە قالاداعى بارلىق ليفتتەردىڭ, ءار قاباتتاعى ەسىكتەردىڭ اعىمداعى جاعدايىن باقىلاۋعا مۇمكىندىك بەرەتىن سايكەس باعدارلامالىق ءونىم جاساۋ بولىپ تابىلادى. بىرىڭعاي جۇيە توتەنشە جاعدايلار كەزىندە بەلگىلى ءبىر ليفتتەردى ينتەراكتيۆتى باسقارۋعا مۇمكىندىك بەرەدى. قاۋىپسىزدىك بويىنشا جاعدايلار قاراستىرىلىپ, ليفتتەرگە بىرىڭعاي تولەم جۇيەسى ارقىلى كىرۋدى قامتاماسىز ەتۋ جوسپارلانعان.
– بىرىڭعاي تولەم جۇيەسى دەگەنگە تۇسىنىك بەرە كەتسەڭىز…
– بۇگىندە ءتۇرلى ليفت كومپانيالارى ءتۇرلى موديفيكاتسياداعى كارتالاردى پايدالانسا, ءبىز بىرىڭعاي تولەم جۇيەسىن ەنگىزۋدى ۇسىنامىز. بۇل – كىرەبەرىس ارقىلى كىرۋ جانە وسى كىلت جۇيەسىن ليفتكە كىرۋ ءۇشىن پايدالانۋ. بولاشاقتا ءبىز ءليفتىنىڭ ىشىنە بەينەباقىلاۋ ەنگىزۋدى جوسپارلاپ وتىرمىز. بۇل دا قاۋىپسىزدىكتى كۇشەيتەدى. ينۆەستيتسيا الدىنداعى كەزەڭ – بۇل قاجەت قۇجاتتار مەن جابدىقتاردى دايىنداۋ, «پيلوتتىق» ىسكە قوسۋ. ءبىز وسى جىلدىڭ سوڭىنا دەيىن جوسپارلاپ وتىرمىز. كەلەسى جىل – بۇل بەلسەندى ينۆەستيتسيالىق كەزەڭ, وندا بۇل سەرۆيستى قوسىمشا تۇتىنۋشىلارمەن جۇمىس باستالىپ, ونى استانادا عانا ەمەس, باسقا دا وڭىرلەرگە شىعارۋ جوسپارلانعان. كەدەن وداعىن ەسكەرسەك, start-up جوباسىنىڭ رەسەي مەن بەلارۋس نارىقتارىنا شىعۋ مۇمكىندىگى بار.
گۇلميرا ايماعانبەت
