ءبىلىم باسقارماسىنىڭ مالىمەتىنشە, وقۋشىلاردىڭ بارلىعى وقۋلىقپەن جانە مەكتەپ فورماسىمەن قامتىلادى.
«وقۋشىلاردىڭ بارلىعى 1 قىركۇيەككە دەيىن فورمامەن جانە مەكتەپكە قاجەتتى زاتتارمەن قامتاماسىز ەتىلۋى ءتيىس. وسى ماقساتتا ارنايى جۇمىستار جاسالىپ, «مەكتەپكە جول» اكتسياسى اياسىندا 20-21 تامىز كۇندەرى ارنايى جارمەڭكە وتكىزىلگەلى وتىر. وزگە وڭىرلەردەن كەلگەندەر, تۇرمىسى تومەن جانە كوپبالالى وتباسىلار, ءىرى ساۋدا ورتالىقتارىنان كيىم-كەشەك ساتىپ الۋعا اقشاسى جوق ازاماتتار جارمەڭكەدە ءوز بالالارىن مەكتەپكە دايىنداۋ ءۇشىن قاجەتتى زاتتاردىڭ ءبارىن تابادى. وندا ءبىرىنشى قاجەتتىلىكتەگى تاۋارلاردى تومەندەتىلگەن باعامەن الۋعا بولادى. ءبىزدىڭ ماقساتىمىز – ءبارىن فورمامەن جانە مەكتەپكە قاجەتتى زاتتارمەن قامتاماسىز ەتۋ. ەگەر بالا 1 قىركۇيەككە دايىن بولماسا نەمەسە ونى مەكتەپكە قابىلداماسا, 55-72-49, 55-68-74, 55-74-67 تەلەفوندارى بويىنشا قاۋىرت جەلىگە حابارلاسۋعا بولادى» دەيدى استانا قالاسىنىڭ ءبىلىم باسقارماسى كامەلەتكە تولماعانداردىڭ قۇقىقتارىن قورعاۋ ءبولىمىنىڭ باسشىسى ءلاززات ورىنباساروۆا.
استانا قالاسى اكىمدىگىنىڭ الدىنداعى الاڭدا وتەتىن بۇل مەكتەپ جارمەڭكەسىندە استانا, الماتى, قاراعاندى جانە شىمكەنت قالالارىنىڭ كاسىپكەرلەرى مەن تاۋار وندىرۋشىلەرى ءوز ونىمدەرىن ۇسىنادى. ەكى كۇنگە سوزىلاتىن ءبىلىم جارمەڭكەسى كەزىندە ەلوردا تۇرعىندارى مەن قوناقتارى وقۋلىقتار, مەكتەپ فورماسى, سپورت كيىمى مەن اياق كيىمدەردى, سونداي-اق ءارتۇرلى كەڭسە زاتتارىن نارىقتاعى باعادان 10-50 پايىزعا ارزان باعامەن ساتىپ الا الادى.
سونداي-اق, جارمەڭكەدە قوعامدىق قابىلداۋ وتكىزىلەدى. قالالىق ءبىلىم باسقارماسىنىڭ زاڭگەرلەرى مەن وكىلدەرى حالىققا كەڭەس بەرەدى. شارا بارىسىندا ەلوردالىق شىعارماشىلىق ۇجىمداردىڭ قاتىسۋىمەن كونتسەرتتىك باعدارلاما ۇيىمداستىرىلادى.
