استانا قالاسى تىلدەردى دامىتۋ باسقارماسىنىڭ ۇيىمداستىرۋىمەن ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ورالحان بوكەي اتىنداعى كوركەم ءسوز وقۋ شەبەرلەرىنىڭ حVII قالالىق ءداستۇرلى بايقاۋى ءوتتى.
كورنەكتى ءسوز زەرگەرى ورالحان بوكەيدى ءسۇيىپ وقىمايتىن وقىرمان كەمدە-كەم. سوندىقتان بولار, وسى بايقاۋدىڭ كوپ جىلدان بەرى داستۇرگە اينالىپ, ايتۋلى قالامگەردىڭ شىعارمالارى كەيىنگى جاس ۇرپاقتىڭ دا ۇعىمىنا ءسىڭىمدى بولىپ, ولمەس مۇراعا اينالىپ كەتكەندىگى…
بيىل ون جەتىنشى مارتە تۇساۋىن كەسكەلى وتىرعان سايىسقا قاتىسام دەگەن ۇمىتكەرلەردىڭ لەگى مولايىپ, تولايىم بولدى. ارينە, شارانىڭ شارتىنا سايكەس جاس مولشەرى شەكتەۋلى. تەك 16 مەن 20 جاس ارالىعىنداعى جاستار عانا ونەر جارىستىرادى. وسى جولعى بايقاۋدا ءوز ونەرىمەن تانىلعان ورەندەردىڭ قاراسى كوپ بولدى. ارينە, سايىستىڭ اتى – سايىس. كوپ قارادان وزىپ شىعار ءبىر قاراگەردىڭ بولۋى انىق. سونىمەن, دارىندى تۇلعا اتىنداعى قالالىق بايقاۋدىڭ باس جۇلدەسىن ەلورداداعى №63 مەكتەپ-ليتسەيدىڭ وقۋشىسى ەربولات ەلەمەس قانجىعاسىنا بوكتەردى. ەكىنشى ورىندى – ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى ارداق قاسىمحانوۆ ەنشىلەسە, ءۇشىنشى ورىندى – س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتى ءامينا رەش قاناعات تۇتتى. ىنتالاندىرۋ سىيلىعى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى اقمەيىرىم قۋانىشباەۆاعا بۇيىردى. جۇلدەگەرلەردىڭ بارلىعى باعالى سىيلىقتارمەن ماراپاتتالدى.
ازامات ەسەنجول
