Nur Otan پارتياسىنىڭ نۇر-سۇلتان قالالىق فيليالىنىڭ كەزەكتەن تىس ححح كونفەرەنتسياسى ءوتتى. كۇن تارتىبىنە قويىلعان ءبىرىنشى ماسەلە بويىنشا Nur Otan پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ مەملەكەت باسشىسىنىڭ جارلىعىمەن تاياۋدا ەلوردا اكىمى بولىپ تاعايىندالعان التاي كولگىنوۆ تۋرالى قىسقاشا مالىمەت بەرىپ, ونىڭ كانديداتۋراسىن استانالىق فيليال توراعالىعىنا ۇسىندى.
– التاي سەيدىرۇلى – «بولاشاق» باعدارلاماسىنىڭ تۇلەگى. بۇعان دەيىن باتىس قازاقستان وبلىسىنىڭ اكىمى رەتىندە ءوڭىردىڭ ءوسىپ-وركەندەۋىنە ۇلكەن ۇلەس قوستى. پرەزيدەنت اكىمشىلىگىندە دە جاۋاپتى قىزمەتتەر اتقارىپ, شەبەر ۇيىمداستىرۋشىلىق قابىلەتىمەن تانىلعان. سوندىقتان جاڭا قىزمەتتە دە بيىكتەن كورىنەتىنىنە كامىل سەنەمىز جانە تابىس تىلەيمىز, – دەدى م.اشىمباەۆ.
كونفەرەنتسياعا قاتىسقان 80 دەلەگات اتالمىش ۇسىنىسقا ءبىراۋىزدان قولداۋ ءبىلدىردى.
ءوز كەزەگىندە التاي كولگىنوۆ ارىپتەستەرىنە سەنىم بىلدىرگەنى ءۇشىن ريزاشىلىعىن ءبىلدىرىپ, ەلوردالىق فيليالدىڭ الدىندا تۇرعان ماقساتتار جونىندە اڭگىمەلەپ بەردى. Nur Otan پارتياسىنىڭ حVIII سەزىندە ەلباسىنىڭ تاپسىرماسىمەن ايقىندالعان «ءال-اۋقات قوعامى: ونجىلدىقتىڭ 10 ماقساتى» باعدارلاماسى اياسىندا جۇزەگە اسىرىلىپ جاتقان «حالىققا كومەك», «قۇتتى مەكەن», «باقىتتى وتباسى» جوبالارى بويىنشا ەلوردا اۋماعىندا قولعا الىنعان جۇمىستار جونىندە بايانداپ بەردى. وسى باعىتتاعى جۇمىستاردى بىرلەسىپ جۇرگىزۋ قاجەتتىلىگىن باسا ايتتى.
ەلوردا اكىمى ەلباسى, پارتيا توراعاسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ, حالىق پەن پارتيالاس سەرىكتەستەرىنىڭ سەنىمىن اقتاۋ ءۇشىن ايانباي ەڭبەك ەتەتىنىن دە جەتكىزدى.
كونفەرەنتسيا بارىسىندا قالانىڭ باسقا دا بەلسەندى ازاماتتارى ءسوز سويلەپ, كۇن تارتىبىندەگى ماسەلەلەر بويىنشا ءوز ويلارىن ورتاعا سالىپ, پىكىر ءبولىستى.
