«قازاقستان حالقى اسسامبلەياسى – 20 يگi iس» ەستافەتاسىنىڭ سيمۆولى – «تايقازان» 21 ساۋiردە استاناعا جەتكiزiلiپ, بەيبiتشiلiك جانە كەلiسiم سارايىنا ورناتىلادى. ەلوردادا بۇگىن «قازاقستان» سپورت كەشەنىنىڭ جانىنداعى الاڭنان باستالاتىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن قولداۋ ماقساتىندا اۆتوشەرۋ وتەدى. باس شاھاردا جىل باسىنان بەرى ازاماتتار ىشكى ىستەر ورگاندارىنا ەرىكتى تۇردە 976 جاراقاتتاعىش قارۋ تاپسىرىپ, ولارعا وتىز التى ميلليون تەڭگە تولەندى. «اتامەكەن» ۇلتتىق كاسىپكەرلەر پالاتاسىنىڭ ۇيىمداستىرۋىمەن «وليمپ» كلينيكالىق دياگنوستيكالاۋ جەلىسىندە سوعىس ارداگەرلەرىنە مەديتسينالىق قىزمەتتىڭ بارلىق ءتۇرى تەگىن كورسەتىلەدى. 19 ساۋىردە ەلوردادا «مەموريالدىق ايماق» ىزدەۋ وتريادى ءاليا مولداعۇلوۆا ەسكەرتكىشى جانىنان تەمىر جول ۆوكزالىنا دەيىن جاياۋ اسكەرلەر مارشىن ۇيىمداستىرادى. «داۋلەت» سپورت كەشەنىندە قر ەڭبەك سىڭىرگەن سپورت شەبەرى ءاليا ءجۇسىپوۆانىڭ جۇلدەسى ءۇشىن كوركەم گيمناستيكادان ءىىى حالىقارالىق تۋرنير باستالدى. «حاس تالانت» ونەر گالەرەياسىندا جاس سۋرەتشىلەردى قولداۋ ماقساتىندا «ونەر تىنىسى» اتتى كوكتەمگى كوركەم سالون اشىلدى. «الاۋ» مۇز سارايىندا دوپتى حوككەيدەن 2000-2001 جىلعى جاسوسپىرىمدەر اراسىندا قازاقستان چەمپيوناتى باستالدى. جارىسقا استانا, ورال, پەتروپاۆل جانە حرومتاۋ قالالارىنىڭ قۇرامالارى قاتىسۋدا.