ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ ۇيىمداستىرۋىمەن «ۇلى جەڭىس باعاسى» اتتى عىلىمي-تاجىريبەلىك كونفەرەنتسيا ءوتتى.
جيىن باسىندا ءسوز العان «مەموريالدى ايماق» ىزدەستىرۋ جاساعىنىڭ كومانديرى, ۋنيۆەرسيتەتتىڭ ارحيتەكتۋرا كا-
فەدراسىنىڭ پروفەسسورى مايدان قۇسايىنوۆ «قازاقستاندىق مايدانگەرلەردىڭ ءفاشيزمدى جويۋداعى ۇلەسى» اتتى عىلىمي بايانداماسىندا قازاقستاندا جاساقتالعان ديۆيزيالاردىڭ ۇرىس دالاسىنداعى قيمىلى تۋرالى تىڭ دەرەكتەردى ورتاعا سالدى. سونىمەن قاتار, «مەموريالدى ايماق» جاساعىنىڭ حابارسىز كەتكەن قۇربانداردى ىزدەۋ جۇمىستارىمەن, باۋىرلاستار قابىرىن قايتا قالپىنا كەلتىرۋ, سوعىستان قالعان مينا, سناريادتاردى زالالسىزداندىرۋ جايىمەن تانىستىردى.
قازاقستان تاريحشىلارى كونگرەسىنىڭ حاتشىسى زيابەك قابىلدينوۆ ەكىنشى دۇنيەجۇزىلىك سوعىستىڭ ۇمىتىلعان باتىرلارى تۋرالى بايانداي كەلە, قازاقستاندىقتاردىڭ ۇلى وتان سوعىسىندا قوسقان ۇلەسىن انىقتايتىن ينستيتۋت قۇرۋ كەرەك دەگەن ويىن جەتكىزدى. ۋكراينا,
بەلارۋس, ەۋروپا ەلدەرىنىڭ مۇراعاتتارىندا تۇراقتى جۇمىستار جۇرگىزىپ, تەرەڭ اقپارات جيناۋ كەرەكتىگىن ايتتى.
تىل جانە ەڭبەك ارداگەرى ۆاسيلي الەكسەەۆ «ءبارى دە مايدان, ءبارى دە جەڭىس ءۇشىن» اتتى عىلىمي ماقالاسىندا سوعىس كەزىندە بالالاردىڭ, قارتتار مەن ءمۇگەدەكتەردىڭ دە جان اياماي ءىستەگەن ەرەن ەڭبەكتەرىن ايتا كەلە, تاۋەلسىزدىكتىڭ قادىرىن سەزىنىپ, ونى كوزدىڭ قاراشىعىنداي ساقتاۋىمىز كەرەك دەگەن ويىمەن ءبولىستى.
استانا قالاسىنىڭ قورعانىس ىستەرى جونىندەگى دەپارتامەنتىنىڭ باستىعى تالعات امانگەلديەۆ «وتاندى قورعاۋ – ءاربىر قازاقستاندىقتىڭ قاسيەتتى پارىزى» تاقىرىبىندا تولعانىپ, ارداگەرلەر جولىن قۋعان بۇگىنگى ازاماتتاردىڭ ەرلىگى – ادال ەڭبەك, ۇشقىر ءبىلىم, ساپالى جۇمىستا ەكەنىنە توقتالدى.
ۇلى وتان سوعىسى مۇگەدەكتەرىنە ارنالعان گوسپيتالدىڭ ديرەكتورى ءادىلحان ءابدۋلليننىڭ «ۇلى جەڭىسكە دارىگەرلەر ۇلەسى» اتتى بايانداماسىندا دايەكتى ءمالىمەتتەر كەلتىرىلدى.
كونفەرەنتسياعا قاتىسقان ۇلى وتان سوعىسى ارداگەرى قادان بەكەنوۆ ءوزىنىڭ مايدانداعى جولى تۋرالى اڭگىمەلەدى. تاعى ءبىر مايدانگەر ۆاسيلي ماكاروۆ سوعىس جايلى اسەرلى ولەڭىن وقىپ بەردى.
كونفەرەنتسيا سوڭىندا ارداگەرلەرگە «ارداگەرلەر ۇيىمى» جانە ۋنيۆەرسيتەت اتىنان سىي-سياپات جاسالدى.
گۇلنار جۇپاربەك,
ل.گۋميلەۆ اتىنداعى
ەۇۋ ستۋدەنتى
