مىڭ اسقانعا – ءبىر توسقان
ەلوردالىق كريمينالدىق پوليتسيا باسقارماسى قىزمەتكەرلەرى جۇرگىزگەن شۇعىل ىزدەستىرۋ ءىس-شارالارى ناتيجەسىندە استانادا بىرنەشە پاتەردى توناعان پاۆلودارلىق ەكى ازامات ۇستالدى. ولاردان ايعاق زات رەتىندە التىن بۇيىمدار, پلانشەت, تۇرمىستىق تەحنيكا مەن قوماقتى اقشا تاركىلەندى. تەرگەۋ جۇرگىزىلۋدە.
الاياققا اربالدى
بۇرىن سوتتالعان گۇلناز ەسىمدى 31 جاستاعى كەلىنشەكتىڭ «تابىسى كوپ جۇمىسقا ورنالاستىرامىن» دەگەن الاياقتىعىنا الدانعان استانالىق ەر ادام ءتورت مىڭ دوللارىن, جيىرما ءۇش جاستاعى جىگىت ەكى ءجۇز مىڭ تەڭگەسىن قولىنا ۇستاتقان.
ءسويتىپ, ءوزىن اكتسيونەرلىك قوعام قىزمەتكەرى رەتىندە تانىستىرعان ايلاكەر كەلىنشەك ون ءبىر ادامنىڭ
جيىرما جەتى مىڭ دوللارى مەن 1370000 تەڭگەسىن قالتاعا باسقان.
ءىز-ءتۇزسىز جوعالدى…
شۇعىل ىزدەستىرۋ ناتيجەسىندە قالاداعى سالىنىپ بىتپەگەن ءۇيدىڭ اۋلاسىنداعى قۇبىر قۇدىعىنىڭ جانىنان 11 ءساۋىر كۇنى ءىز-ءتۇزسىز جوعالىپ كەتكەن ءا.مولدابەكوۆ دەگەن ازاماتتىڭ مۇردەسى تابىلدى. سوت-مەديتسينالىق ساراپتاما قورىتىندىسىندا ونىڭ دەنەسىنەن كۇش قولدانۋ بەلگىلەرى انىقتالعان جوق.
تەرگەۋ امالدارى جالعاسۋدا.
