قازاقتىڭ ۇلتتىق كيىمى قىزىقتىرادى
سوڭعى كەزدەرى اسا تالعامپاز الەمدىك دەڭگەيدەگى ءسان مايتالماندارىنىڭ كوزىنە ءجيى ءتۇسىپ جۇرگەن ۇلتتىق مادەنيەتەمىز تاعى ءبىر اسۋدى باعىندىردى. قازاقتىڭ ءتول ناقىشىمەن كومكەرىلگەن ۇلتتىق كيىمدەرىمىز الەمدىك رەيتينگتە كوش باستاپ, ۇزدىك بەستىككە ەنىپ وتىر.
Boredpanda.com پورتالى الەم حالىقتارىنىڭ ۇيلەنۋ كيىمدەرىن سالىستىرىپ, رەيتينگ جاساپ شىعاردى. سول رەيتينگ بارىسىندا قازاقتىڭ شاپانى مەن ساۋكەلەسى ەڭ تارتىمدى ۇلتتىق كيىم كيەتىن ەلدەر سانالاتىن جاپونيا, موڭعوليا, شوتلانديا, ترانسيلۆانيا, قىتاي جانە فيليپپين مەملەكەتتەرىنىڭ ۇيلەنۋ كيىمدەرىن ارتقا تاستاپ, ۇزدىك بەستىكتە ورنالاسىپ وتىر.
ءتورتىنشى ورىنعا گانا حالقىنىڭ ۇلتتىق كيىمى لايىق دەپ تانىلسا, ءۇشىنشى ورىندا – ۋكراينالىق كارپات يەلەنگەن, ەكىنشى ورىندا – نيگەريا حالقىنىڭ ۇلتتىق كوستيۋمى تۇر. ءۇندىستاننىڭ ۇلتتىق كيىمى ءبىرىنشى ورىنعا ساي دەپ تانىلعان.
وسىلايشا, قازاقتىڭ ۇيلەنۋ تويىنا ارنالعان ۇلتتىق كيىمى حالىقارالىق دەڭگەيدەگى تالعامپاز مامانداردىڭ نازارىن اۋدارىپ, كوپشىلىكتى قىزىقتىرعانى ءمالىم بولىپ وتىر.
بۇركىت نۇراسىل