قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى 27 ناۋرىز – حالىقارالىق تەاتر كۇنىنە وراي ناۋرىز ايىنىڭ 16-26 كۇندەرى ارالىعىندا «قاللەكي تىنىسى» اتتى سپەكتاكلدەر شەرۋىن ۇسىنادى.
ەلوردا كورەرمەندەرىن قاللەكي تەاتر ونەرىنىڭ ۇزدىك ۇلگىلەرىمەن تانىستىرۋ ماقساتىندا وتەتىن ءىc-شارا اياسىندا تەاتر ساراپشىلارى مەن كورەرمەن نازارىنا 2022 جىلدىڭ ناۋرىز ايى مەن 2024 جىلدىڭ ناۋرىز ايى ارالىعىندا جارىق كورگەن پرەمەرالار كورسەتىلەدى. اتاپ ايتقاندا, «بايان سۇلۋ-قوزى كورپەش», «حات», «بالا مەرگەن», «ۇيلەنۋ», «قىز جيىرماعا تولعاندا», «كەشكى 7», «جوشى حان», «قىز جىبەك», «پاتشا كوڭىلىم, نە دەيسىڭ؟!.».
تەاتر ساراپشىلارى سپەكتاكلدەردىڭ تولىق تالداۋىن جۇزەگە اسىرىپ, ۇزدىكتەردى انىقتايدى. كورەرمەندەر تەاتر فويەسىندە ارنايى انكەتانى تولتىرىپ, داۋىس بەرۋ ارقىلى ۇزدىكتەرگە قولداۋ بىلدىرە الادى. سپەكتاكلدەر شەرۋىنىڭ سالتاناتتى جابىلۋى 27 ناۋرىز كۇنى وتەدى.
