دۋباي قالاسىندا ءوتىپ جاتقان وقۋ-جاتتىعۋ جيىنى اياسىندا قازاقستان مەن تۇرىكمەنستان ۇلتتىق قۇراماسى اراسىندا جولداستىق ويىن ءوتتى.
جابىق تۇردە وتكەن باقىلاۋ ويىنى ماگومەد اديەۆ شاكىرتتەرىنىڭ جەڭىسىمەن اياقتالدى. تارتىستى ويىننىڭ 2-مينۋتىندا يسلام چەسنوكوۆ قاقپادان ساڭىلاۋ تاپتى. ءبىرىنشى تايم 1:0 ەسەبىمەن اياقتالدى. ال 47-مينۋتتا الەكساندر زۋەۆ الىستان توعىزدىقتى كوزدەپ, ەسەپتى ەسەلەدى.
ايتا كەتەيىك, ەۋرو-2024 ىرىكتەۋ تۋرنيرىندە ن توبىندا دانيا, سان-مارينو, سولتۇستىك يرلانديا, سلوۆەنيا جانە فينلياندياعا قارسى ويناپ, مارەگە سىنىق سۇيەم قالعاندا سۇرىنگەن ەدى. توپتار اراسىندا 4-ورىن العان كوماندالار ءبىر-بىرىمەن ويناپ, گەرمانياعا بارۋعا مۇمكىندىك العان-دى.
وسىلايشا, قازاقستان قۇراماسى 21 ناۋرىزدا ۆ توبىندا ونەر كورسەتكەن گرەكيامەن سىرت الاڭدا وينايدى. ساتتىلىك جولداس بولىپ, جەڭىسكە جەتسە, وندا گرۋزيا-ليۋكسەمبۋرگ اراسىنداعى جەڭىمپازبەن جولدامانى ساراپقا سالادى.
