تاۋەلسiزدiكتiڭ العاشقى جىلدارىندا ەلiمiزدە كەزەڭ-كەزەڭiمەن جاڭا ساياسي جۇيە, ساياسي پارتيالار, ۇكiمەتتiك ەمەس ۇيىمدار (ۇەۇ), تاۋەلسiز باق سياقتى ينستيتۋتتار پايدا بولدى. سولاردىڭ iشiندە ۇكiمەتتiك ەمەس سەكتور بارىنشا جىلدام دامىدى.
2003 جىلى وتكەن ازاماتتىق فورۋمدا پرەزيدەنت نۇرسۇلتان نازارباەۆ ۇەۇ-نى ساياسي كۇش رەتiندە مويىندالعانىن, بۇدان بىلاي بۇل سالانىڭ وركەن جايۋىنا مەملەكەت تاراپىنان قولداۋ جاسالاتىنىن ايتتى.
مەملەكەت باسشىسىنىڭ باستاماسىمەن ازاماتتىق قوعامدى قالىپتاستىرۋ تۇجىرىمداماسى قابىلداندى. ۇكىمەتتىك ەمەس ۇيىمداردىڭ قوعامداعى ءرولi انىقتالدى.
قازىرگى كەزدە كەز كەلگەن وركەنيەتتى ەل زاماناۋي ازاماتتىق قوعام قۇرۋ, دەموكراتيانى ورنىقتىرۋ, قۇقىق پەن بوستاندىقتى قورعاۋ جولىندا ۇكىمەتتىك ەمەس ۇيىمداردىڭ قىزمەتىن ءبىرىنشى ورىنعا قويادى.
بۇگىندە استانا قالاسىندا ءۇش جۇزگە جۋىق ۇەۇ تىركەلگەن. جاسىراتىنى جوق, كەيبىرىنىڭ اتى بار دا, زاتى جوق. تەك ەكى جۇزدەي ۇيىم شىن مانىندە ناقتى جۇمىس جاساپ وتىر. ونىڭ الپىسى عانا ەلوردالىق اكىمدىكپەن تىعىز قارىم-قاتىناستا ەكەن. بىراق, سونىڭ وزىندە ۇكىمەتتىك ەمەس ۇيىمدار جۇزدەگەن الەۋمەتتىك جوبالاردى ىسكە اسىرىپتى.
ەلوردالىق ۇەۇ باسشىلارى ءجيى باس قوسىپ, جەتكەن جەتىستىكتەرىمەن ءبولىسۋدى, وزدەرىندەگى ءتۇيىندى ماسەلەلەردى ورتاعا سالىپ تالقىلاۋدى داستۇرگە اينالدىرعان.
31 قازان كۇنى ولار ۇكىمەتتىك ەمەس ۇيىمداردىڭ ءداستۇرلى فورۋمىندا تاعى دا باس قوسپاقشى.
