ۇزدىك ۇمىتكەرلەر ىرىكتەلدى
استانا قالاسىنىڭ كادر كوميسسياسى «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ۇمىتكەرلەرمەن 28 مامىر جانە 3 ماۋسىم ارالىعىندا اڭگىمەلەسۋ كەزەڭىن وتكىزدى.
بۇل كەزەڭگە جالپى 141 ۇمىتكەر ىرىكتەلىپ, كادر كوميسسياسىنىڭ اڭگىمەلەسۋ وتىرىسىنا قاتىستى. ەلباسىنىڭ ساياسي جىگەرىنىڭ ارقاسىندا مەملەكەتتىك قىزمەتتىڭ قازاقستاندىق ۇلگىسى نەگىزىندە قالىپتاستىرىلىپ جاتقان «ا» كورپۋسىنىڭ كادر رەزەرۆىنە 13 ايەل باق سىنادى.
مەملەكەتتىك قىزمەتتىڭ جاڭا جۇيەسى بويىنشا قۇرىلىپ جاتقان «ا» كورپۋسىندا ۇمىتكەرلەردىڭ سالالىق قۇرىلىمىنا شەكتەۋ بولعان جوق. ۇمىتكەرلەر قۇرامىندا 36 مەملەكەتتىك قىزمەتكەر, 105 باسقا سالا قىزمەتكەرلەرى, 20 جۇمىسسىز ازامات قاتىستى.
كوميسسيا وتىرىسى بارىسىندا ءاربىر ۇمىتكەردىڭ ءبىلىمى مەن بىلىگىنە, قىزمەتتەگى جەتىستىكتەرىنە, قوعامدىق قىزمەتكە قاتىسۋىنا, «ا» كورپۋسىنىڭ كادر رەزەرۆىنە كىرۋ سەبەپتەرىمەن تانىسۋىنا, ولاردىڭ ۇيىمداستىرۋشىلىق, كوشباسشىلىق قابىلەتتەرىنە, ۇمىتكەركەرلەردىڭ ەتيكا مەن قۇندىلىق باعدارىنا, ەڭبەك جولىنداعى مەريتوكراتيا پرينتسيپتەرى نەگىزىندە ءوسۋ دەڭگەيىنە ءجىتى ءمان بەرىلدى.
مەملەكەتتىك قىزمەت رەفورماسى سالاسىندا ايماقتىق كوشباسشى ەلگە اينالعان مەملەكەتىمىزدىڭ زاماناۋي ۇدەرىستەردى ەسكەرىپ, وزىق حالىقارالىق تاجىريبەگە سايكەس جاسالعان مەملەكەتتىك قىزمەت سالاسىنداعى جاڭا زاڭنىڭ تالاپتارى نەگىزىندە وتكىزىلگەن كادر كوميسسياسىنىڭ جۇمىسى بارىسىندا ءوزىنىڭ بىلىكتىلىگى مەن جوعارى ءبىلىم دەڭگەيىن كورسەتكەن 139 ۇمىتكەر قازاقستان رەسپۋبليكاسىنىڭ پرەزيدەنتى جانىنداعى كادر ساياساتى جونىندەگى ۇلتتىق كوميسسياعا جولداندى.
ەركەجان ساتىمبەك