ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وسى وقۋ ورنى مەن «قازاقفيلم» اق-نىڭ بىرلەسە ۇيىمداستىرۋى نەگىزىندە «زامانداس كەلبەتى» اتتى دەرەكتى فيلمدەر اپتالىعىنىڭ اشىلۋ ءراسىمى ءوتتى.
شاراعا مادەنيەت جانە اقپارات مينيسترلىگى, ءبىلىم جانە عىلىم مينيسترلىگى وكىلدەرى مەن ءبىر توپ دەپۋتاتتار, باق باسشىلارى جانە استانانىڭ زيالى قاۋىم وكىلدەرى كەلىپ قاتىستى.
ەندى اپتا بويى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ №5 «ستۋدەنتتەر ءۇيى» كينوتەاترىندا فيلم كەيىپكەرلەرىنىڭ قاتىسۋىمەن «رۋحانيات ساردارى», «شەرحان مۇرتازا», «اكادەميك ورمانتاەۆ», «پاراسات اۋەندەرى», «ءشامشى» سىندى دەرەكتى تۋىندىلار كورەرمەن نازارىنا ۇسىنىلماق.
ايگەرىم ەسماعانبەتوۆا,
ا. بايتۇرسىنۇلى اتىنداعى قوستاناي مەملەكەتتىك ۋنيۆەرسيتەتىنىڭ ستۋدەنتى
