ححح جازعى وليمپيادا ويىندارىنا قاتىسۋشى قازاقستاندىق
سپورتشىلارعا قولداۋ ءبىلدىرۋ ماقساتىندا بۇقارالىق ۆەلوجورىق ءوتتى.
«ءبىز وليمپياداشىلارىمىزدى قولدايمىز!» ۇرانىمەن وتكەن بۇقارالىق ۆەلوشەرۋدىڭ
اشىلۋ سالتاناتىندا «نۇر وتان» حدپ استانا قالالىق فيليالى توراعاسىنىڭ ءبىرىنشى ورىنباسارى قايرات جاڭابەرگەنوۆ سويلەدى.
ول بولاشاقتا ەل نامىسىن قورعايتىن ۆەلوشاباندوزدارعا ساتتىلىك تىلەپ, ەلىمىزدىڭ بايراقتى باسەكەدە ءۇش التىندى قانجىعالاعانىن قۋانىشپەن جەتكىزدى. سپورتشى الەكساندر ۆيناكۋروۆتىڭ جەڭىسىمەن باستالعان مەرەيلى مارتەبەمىز جالعاسىن تاباتىنىنا سەنىم ءبىلدىردى.
«بايتەرەك» مونۋمەنتى الدىنداعى الاڭنان باستالعان بۇقارالىق ۆەلوشەرۋ دوستىق, اقمەشىت جانە قوناەۆ كوشەلەرىمەن ءجۇرىپ ءوتتى. بۇل شاراعا ەلوردالىق اۋەسقوي ۆەلوسيپەدشىلەر قاتىستى. شارانىڭ جالپى ۇيىمداستىرىلۋىن جانە ونى وتكىزۋدى استانا قالاسى اكىمىنىڭ اپپاراتى, «نۇر وتان» حدپ استانا قالالىق فيليالى, تۋريزم, دەنە شىنىقتىرۋ جانە سپورت باسقارماسى جۇزەگە اسىردى.
