2021 جىلى ۆولونتيورلەردى قولداۋ ماقساتىندا 24 مىڭ ءىس-شارا وتكىزىلدى. بۇل تۋرالى نۇر-سۇلتاندا ءوتىپ جاتقان حالىقارالىق ۆولونتەرلەر كۇنىنە ارنالعان قورىتىندى كونفەرەنتسيا بارىسىندا ايتىلدى.
ءىس-شاراعا قر پارلامەنتى ءماجىلىسىنىڭ دەپۋتاتى ۆەرا كيم, اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەت, وڭىرلىك فرونت-وفيستەر مەن ۇەۇ وكىلدەرى قاتىسۋدا. كەزدەسۋ بارىسىندا قاتىسۋشىلار وڭىرلىك فرونت-وفيستەردىڭ جۇمىسى جانە 2021 جىلعى جۇمىس قورىتىندىلارى تۋرالى حاباردار ەتىپ, ۆولونتيورلىكتىڭ قىزىقتى تاجىريبەلەرىمەن ءبولىستى. جالپى, قاتىسۋشىلار پاندەميا كەزىندەگى ۆولونتيورلىك ماسەلەلەرىن, ۆولونتيورلىكتى ودان ءارى دە قولداۋ شارالارى مەن ۆولونتيورلىك قىزمەتتىن جۇزەگە اسىرۋداعى وزەكتى ماسەلەلەردى جان-جاقتى تالقىلادى. سونىمەن قاتار, كونفەرەنتسيادا ۆولونتيورلىكتى قولداۋدىڭ بىرىڭعاي ستاندارتىن, ۆولونتيورلىك قىزمەتتىڭ ءتۇرلى باعىتتارى بويىنشا وقىتۋ باعدارلاماسىن, سونداي-اق وزىق تاجىريبە جيناعىن تانىستىرۋ جوسپارلانۋدا.
ماديار قوجاحمەت ۆولونتيورلەردى كەلە جاتقان مەرەكەمەن قۇتتىقتاپ, ۆولونتيورلىكتىڭ الەمدەگى ماڭىزدى ءرولىن اتاپ ءوتتى. اتاپ ايتقاندا, ول جۇرگىزىلىپ جاتقان جۇمىستار تۋرالى ايتىپ, ۆولونتيورلەردىڭ قۇقىقتارىن كەڭەيتۋ جانە ىنتالاندىرۋ ماسەلەسىنە زاڭنامالىق تۇزەتۋلەر ەنگىزۋ قارالىپ جاتقانىن ايتتى.
سونىمەن قاتار, ۆولونتيورلىكتى قولداۋ ستاندارتى مەن ارنايى دايىندىق باعدارلاماسى ازىرلەنۋدە. الداعى اۋقىمدى ماقساتتاردىڭ قاتارىندا ماديار قوجاحمەت مەملەكەت باسشىسى ق.ك.توقاەۆتىڭ بۇۇ ۆولونتيورلەرىن جۇمىلدىرۋدىڭ حالىقارالىق جىلىن جاريالاۋ تۋرالى باستاماسىن ىسكە اسىرۋدى اتادى.
«ۆولونتيورلىك كۇندەلىكتى قوعامدىق, الەۋمەتتىك, تۇرمىستىق ماسەلەلەردى شەشۋدە ۇنەمى الدىڭعى قاتاردا. بۇل قاراپايىم ازاماتتاردىڭ باعا جەتپەس ەڭبەگى جانە ناعىز ءپاتريوتيزمنىڭ سيمۆولى. مەملەكەت ۆولونتيورلىكتى ازاماتتىق قوعامنىڭ اۋقىمدى ينستيتۋتى رەتىندە قولداۋدى جالعاستىرۋدى كوزدەيدى. بۇل ءبىزدىڭ حالقىمىزدىڭ ءال-اۋقاتىن ارتتىرۋعا ىقپال ەتەدى», – دەدى قر اقدم ازاماتتىق قوعام ىستەرى كوميتەتىنىڭ توراعاسى.
ايتا كەتۋ كەرەك, مەملەكەت باسشىسى ءوز سوزىندە ۆولونتەرلىك قىزمەتكە تارتىلعان قازاقستاندىقتار قاتارىنىڭ ارتا تۇسكەنىن بىرنەشە رەت اتاپ وتكەن بولاتىن. ونىڭ پىكىرىنشە, ۆولونتەرلىك پەن قايىرىمدىلىقتى دامىتۋدا قازاقستان پروگرەسسيۆتى حالىقارالىق ۇردىستەردەن ارتتا قالىپ كەلە جاتقان جوق, ال ۆولونتەرلەرگە, قايىرىمدىلىق ءىس-شارالارىنا جانە مەتسەناتتىققا قولداۋ ءبىلدىرۋدى پرەزيدەنت «مەملەكەتتىڭ ۇزاقمەرزىمدى باسىمدىق بەرەتىن مىندەتتەر»دەپ اتادى.
ء«بىز قايىرىمدىلىققا تىكەلەي جانە جاناما تۇردە تارتىلعان ادامدار سانىنىڭ ۇنەمى ءوسىپ كەلە جاتقانىن كورىپ وتىرمىز. ۆولونتەرلىك قىزمەتتى قىزمەتكەرلەردىڭ ەڭبەك وتىلىندە مىندەتتى تۇردە ەسەپكە الۋ تۋرالى شەشىم قابىلداندى. سونىمەن قاتار, ەرىكتىلىك ۋنيۆەرسيتەتتەر مەن كوللەدجدەرگە ءتۇسۋ كەزىندە بىرقاتار ارتىقشىلىق بەرەدى. بۇگىنگى تاڭدا بۇل جاقسى ناتيجە دەپ سانايمىن», – دەدى پرەزيدەنت.
شارا بارىسىندا وڭىرلەردەن كەلگەن ايماقتىق ۆولونتەرلىك فرونت-وفيستەردىڭ جەتەكشىلەرى جىل بويى اتقارعان جۇمىستارى بويىنشا ەسەپ بەرىپ, كەمشىلىكتەر مەن وزىق تاجىريبەلەر ورتاعا سالىندى. جالپى, شارا اياسىندا ۆولونتەرلىكتى دامىتۋدىڭ الداعى جىلعا ارنالعان جوسپارى تالقىلاندى. اتالمىش شارا, ەرتەڭدە جىلعاسىن تابادى.
ءىس-شارانى اقپارات جانە قوعامدىق دامۋ مينيسترلىگى «رۋحاني جاڭعىرۋ» قازاقستاندىق قوعامدىق دامۋ ينستيتۋتى كەاق جانە «Birgemiz» رەسپۋبليكالىق ۆولونتيورلەر فرونت-ءوفيسى بىرلەسىپ ۇيىمداستىردى.
