استانا قالاسىندا 10-12 قازاندا «ExpoGroup» حالىقارالىق كورمە كومپانياسىنىڭ ۇيىمداستىرۋىمەن «Astana International Auto Salon-2014» (AIAS-2014) ەكىنشى حالىقارالىق اۆتوكولىك كورمەسىنىڭ سالتاناتتى اشىلۋى وتەدى.
قازاقستاندا العاشقى ەلەكتروموبيلدى تانىستىرعان حالىقارالىق دارەجەدەگى ەلوردالىق اۆتوسالون بيىل ءوزىنىڭ جەلىسىن گيبريد اۆتوموبيلدەرمەن كەڭەيتە ءتۇسپەك. ءىس-شارا «جاسىل» تاقىرىپتى جالعاستىرا كەلە, قازاقستاندىق جولداردا قورشاعان ورتاعا ەڭ از شىعىنمەن يننوۆاتسيالىق
تەحنولوگيالاردى ەنگىزۋدەگى ماڭىزدى قادامعا اينالماق. بۇل – «بولاشاق ەنەرگياسى» تاقىرىبىندا وتەتىن «ەXPO-2017» حالىقارالىق مامانداندىرىلعان كورمەسىن ءوتكىزۋ قارساڭىنداعى اسا ماڭىزدى ماسەلە.
«AIAS-2014» ەكسپوزيتسياسىندا «Mitsubishi», «Renault», «Jeep», «Volkswagen», «Maserati», «SsangYong», «Peugeot», «Iveco», «Hyundai», «Lada», «Skoda», «Kia», «Chevrolet» جانە باسقا دا الەمدىك جانە وتاندىق برەندتەر ۇسىنىلادى. كەلۋشىلەر كولىك اكسەسسۋارلارى, قوسالقى بولشەكتەر, اۆتوحيميا مەن اۆتوكوسمەتيكا, تيۋنينگ, اۆتوەلەكترونيكا, اۆتونەسيەلەۋ مەن اۆتوساقتاندىرۋمەن تانىسا الادى.
كورمە قر ينۆەستيتسيالار جانە دامۋ مينيسترلىگىنىڭ, استانا قالاسى اكىمدىگىنىڭ جانە قازاقستاندىق اۆتوكولىك بيزنەسى قاۋىمداستىعىنىڭ قولداۋىمەن «كورمە» ورتالىعىندا وتەدى.
جاقسى ساتۇلى
