جاڭا تاريف ىسكە قوسىلدى

1 شىلدەدەن باستاپ استانا – ششۋچينسك اقىلى جولدارىنىڭ جاڭا ءتاريفى ىسكە قوسىلادى دەپ حابارلايدى «قازاۆتوجول» ۇلتتىق كومپانياسىنىڭ ءباسپاسوز قىزمەتى.

«قر ۇكىمەتىنىڭ قاۋلىسىمەن جالپىعا بىردەي قولدانۋعا ار­نال­عان رەسپۋبليكالىق ماڭىز­داعى استانا-ششۋچينسك اۆتوكولىك جول­دارىنىڭ ءى-ا ۋچاسكەسىندە, ياعني, استانا – پەتروپاۆل باعىتىنا جۇك كوتەرۋ مۇمكىندىگى 15 توننادان اساتىن جۇك كولىكتەرىنە جاڭا تاريف ەنگىزىلدى. جۇك كولىگىنىڭ بۇل جولمەن ءجۇرۋ اقىسى ونىڭ ماسسا­سىنا بايلانىس­تى بولماق. ماسە­لەن, جاڭادان ەنگىزىلگەن ەرەجە بو­يىنشا 15 توننادان ارتىق كوتەرەتىن جۇك كولىكتەردىڭ ءبىر باعىتتاعى بارلىق ءجۇرىسى 5200 تەڭ­گەنى قۇراي­تىن بولادى» دەلىنگەن الدىن الا تاراتىلعان حابارلامادا.

جاڭا تاريف ەنگىزىلگەنگە دەيىن جۇكتى تاسىمالداۋشى مەن ونى قابىلداپ الۋشىلار ءجۇرىس اقىسىن بىرىگىپ تولەيدى. ال, 10-نان 15 تونناعا دەيىن ارتاتىن جۇك كولىكتەرىنىڭ ءبىر باعىتتاعى ءجۇرىس اقىسى ول كەزدە 4200 تەڭگەنى قۇرايدى.

جول قىزمەتىن پايدالانۋ اقىسى ارنايى ورناتىلعان تەرمينال ارقىلى تولەنەدى: اقشالاي, تيىن­مەن, بانك كارتاسىمەن نەمەسە ترانس وپەراتسيالار ارقىلى تولەم جاساۋعا بولادى.