جاقىندا قر ۇلتتىق ەكونوميكا مينيسترلىگىنە قاراستى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى استانا قالاسى بويىنشا دەپارتامەنتىنىڭ باسشىسى م.مۇستافين قازاقستان رەسپۋبليكاسىنىڭ 2015-2025 جىلدارعا ارنالعان جەمقورلىققا قارسى ستراتەگياسىن تالقىلاۋ جونىندە دوڭگەلەك ۇستەل وتكىزدى.
وعان سالا ماماندارى مەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى استانا قالاسى بويىنشا دەپارتامەنتىنىڭ جاۋاپتى قىزمەتكەرلەرىنىڭ قاتىستى.
«دوڭگەلەك ۇستەلدە» قالالىق دەپارتامەنت وكىلدەرى د.رايىمباەۆ پەن م.داۋلەت قازاقستاننىڭ 2015-2025 جىلدارعا ارنالعان جەمقورلىققا قارسى ستراتەگياسىنىڭ نەگىزگى ۇستانىمدارى مەن قر «مەملەكەتتىك قىزمەت تۋرالى» زاڭىنا ەنگىزىلگەن وزگەرىستەر مەن تولىقتىرۋلار جونىندە باياندادى.
ودان ءارى تالداۋ جانە ۇيىمداستىرۋ جۇمىسى ءبولىمىنىڭ باسشىسى گ.جۇماتوۆا دەپارتامەنتتىڭ 2015 جىلعا ارنالعان جەمقورلىقپەن كۇرەس جونىندەگى ءىس-شارالار جوسپارىنىڭ ورىندالۋى مەن اتقارىلعان جۇمىستار تۋرالى ايتتى.
ال, تەحنيكالىق رەتتەۋ ءبولىمىنىڭ باسشىسى ك.نۇرعاليەۆا ەكى مەملەكەتتىك مەكەمەنىڭ بىرىگۋ جولىمەن قايتا قۇرىلۋىنان كەيىنگى دەپارتامەنت قىزمەتىنىڭ جاندانعانى تۋرالى ايتىپ, دەپارتامەنت باسشىسىنىڭ ورىنباسارى ج.ەرماعامبەتوۆ تۇتىنۋشىلارمەن بايلانىستى جاقسارتۋعا باعىتتالعان جۇمىستارعا توقتالدى.
