زياتكەرلىك جەلىنىڭ جاڭا نۇسقاسى
«G-global» كوممۋنيكاتيۆتى الاڭ سايتىنىڭ جاڭا نۇسقاسى جارىققا شىقتى. بۇل تۋرالى «عالىمداردىڭ ەۋرازيالىق ەكونوميكالىق كلۋبى» قاۋىمداستىعى ۇيىمداستىرعان «G-global» فورماتىنداعى الەم» اتتى ءباسپاسوز جيىنىندا تانىستىرىلدى.
ەلباسى ن.نازارباەۆ استانا ەكونوميكالىق فورۋمى نەگىزىندە «G-global» سۇحبات الاڭىن قۇرۋدى تاپسىرعان بولاتىن. بيىلعى قاڭتار ايىندا قاۋىمداستىق وسى زياتكەرلىك جەلىنى ىسكە قوستى. «G-global» – جىل سايىن وتەتىن فورۋم نەگىزىندە جۇزەگە اساتىن حالىقارالىق جوبا. بۇگىندە سۇحبات الاڭىندا الەمنىڭ 149 ەلىنىڭ ساراپشىلارى بىرىككەن. ولار پىكىرتالاستار مەن جارىسسوزدەر پىشىنىندە الەمدىك قارجى داعدارىسىنان شىعۋ ستراتەگيالارىن تالقىلايدى.
اتالمىش جيىندا الدا بولاتىن VI استانا ەكونوميكالىق فورۋمىنىڭ نەگىزگى ماقساتتارى مەن ەرەكشەلىكتەرى دە كەڭىنەن ايتىلدى.