جىل سايىن كۇزگى كەزەڭدە رەسپۋبليكا اۋماعىندا كۇردەلى ءورت قاۋىپتى جاعداي پايدا بولادى. بۇل قالا مەن باۋ-باقشا, ساياجاي ۋچاسكەلەرىندەگى اۋماقتاردى جيناۋ, سونداي-اق ەگىن جۇمىسى كەزەڭى, بىراق بۇل ءورت سوندىرۋشىلەر ءۇشىن كۇردەلى كەزەڭ سانالادى.
ءورتتىڭ پايدا بولۋ سەبەپتەرىنىڭ ستاتيستيكاسىن تالداۋ كوپتەگەن جاعدايدا ادامنىڭ سالعىرتتىعىنان بولاتىنىن كورسەتەدى. ارينە, كوبىنە ءورتتىڭ ورشۋىنە كۇننىڭ ىستىعى, اينەكپەن شاعىلىسۋى, كەپكەن ءشوپ اسەر ەتەدى. بىراق ءورتتىڭ نەگىزگى سەبەبى وتتى ابايسىز قولدانۋ بولىپ تابىلادى: سوندىرىلمەگەن وت, قۇرعاق جاپىراققا تاستالعان سىرىڭكە, ۇيلەر مەن شارۋاشىلىق قۇرىلىستارىنىڭ جانىندا قوقىستى جاعۋ, بالالاردىڭ تەنتەكتىگى, جەكە تۇرعىن ءۇي سەكتورىندا, تابيعاتتا نەمەسە دەمالىستا ورتكە قارسى تالاپتاردى بۇزۋ, تاستاندى تەمەكى تۇقىلدارى – وسىنىڭ بارلىعى ورتكە اكەلەدى.
ءورت ەلدى مەكەندەردەگى عيماراتتاردى, ەلەكتر بەرۋ جانە بايلانىس جەلىلەرىن, جاناتىن ماتەريالدار قويمالارىن زاقىمداپ, جويۋ, سونداي-اق ادامدار مەن مالدىڭ ولىمىنە الىپ كەلۋى مۇمكىن. وسى كەزەڭدە كاسىپورىندار, ۇيىمدار باسشىلارى جانە جەكە تۇرعىن ءۇي يەلەرى ۆەدومستۆولىق باعىنىستى وبەكتىلەر مەن تۇرعىن ۇيلەردى ءورت قاۋىپسىز جاعدايعا كەلتىرۋگە, ىرگەلەس اۋماقتاردى قۇرعاق شوپتەن جانە جاناتىن قوقىستان تازارتىپ, ولاردى العاشقى ءورت ءسوندىرۋ قۇرالدارىمەن قامتاماسىز ەتۋگە, ەلدى مەكەندەردىڭ اينالاسىنداعى اۋماقتاردى شابۋعا مىندەتتى.
وسى رەتتە استانا قالاسىندا بىرقاتار ءىس-شارا جۇرگىزىلۋدە. كۇزگى ءورت قاۋىپتى كەزەڭدە ورتكە جول بەرمەۋ وتە وڭاي, ول ءۇشىن قاراپايىم ءورت قاۋىپسىزدىگى تالاپتارىن ساقتاۋ جەتكىلىكتى.
ءوز مۇلكىڭىزدى وتتان ساقتاڭىز! ءورت بولعان جاعدايدا 101 تەلەفونىنا حابارلاسىڭىز.
ءا.ءبىرجانوۆ,
استانا قالاسى الماتى اۋدانى تجب ينجەنەرى,
ازاماتتىق قورعاۋ لەيتەنانتى
