КХЛ чемпионатында өнер көрсететін астаналық «Барыс» кеше «Қазақстан» спорт сарайы айдынында Словакияның «Слован» командасын 6:1 есебімен тізе бүктірді. Осы ойында «Барыс» хоккейшілері КХЛ чемпионатындағы 1000-шы шайбасын соқты. Мерейлі голдың авторы канадалық легионеріміз Майк Ландин болды.
«Барыс» бүгінгі таңда КХЛ чемпионатында ең көп гол соққан команда болып отыр. Астаналықтар осыған дейін өткізген 30 ойында қарсыластар қақпасына 114 гол соғып үлгерді. Осы көрсеткіш бойынша екінші орында келе жатқан СКА хоккейшілері 31 ойында 106 гол соққан.
